13 ildən sonra Ağ Evə pişik gətirildi - VİDEO

ABŞ Prezidenti Co Bayden Ağ Evə "Villou" ("Willow") adlı yeni pişik gətirib.

Sonxeber.az "abc NEWS"-a istinadən xəbər verir ki, bu barədə məlumatı Bayden öz tviter hesabında paylaşıb
"Bayden ailəsinə xoş gəldin, Villou", - deyə Bayden qeyd edib.

ABŞ Prezidenti pişiyi birinci xanım Cillin doğma şəhəri Villou-Qrouvun şərəfinə belə adlandırıb. Yerli medianın məlumatına görə, pişiyin iki yaşı var.

Co Bayden və Villounun maraqlı tanışlıq hekayəsi var. Belə ki, onlar 2020-ci ildə Baydenin Pensilvaniyada keçirdiyi seçkiqabağı çıxışı zamanı tanış olub. Pişik Baydenin çıxışı zamanı səhnəyə çıxaraq onun nitqini yarıda kəsmişdi.

Qeyd olunur ki, Villou 2009-cu ildən bu yana Ağ Evə gətirilən ilk pişik olub.

Aygün Osmanlı

Telegramda izləyin

instagramda izləyin