Hava şəraiti 142 min insanın ölümünə səbəb olub

Daşqınlar və digər ekstremal hava şəraiti son 40 ildə Avropada 142 min insanın ölümünə səbəb olub və Avropa iqtisadiyatına 50 milyard avrodan çox ziyan vurub.

Sonxeber.az Euronews-a istinadən xəbər verir ki, Almaniya 42,000 ölüm və 107 milyard avroluq maliyyə itkisi ilə ən çox zərər çəkən Avropa ölkəsidir.

Sonrakı yerdə 26,700 ölü və 99 milyard avro ziyanla Fransa gəlir.

Qlobal olaraq, Ümumdünya Meteorologiya Təşkilatının hesablamalarına görə, son 50 ildə hava ilə bağlı fəlakətlərin sayı artıb, daha çox maddi ziyana, lakin daha az ölümə səbəb olub.

Avropada maddi ziyana uğramış əmlakların yalnız 23%-i sığortalanıb, lakin fərqlər əhəmiyyətlidir: məsələn, Rumıniya və Litvada 1%, Hollandiyada 55%, Danimarkada 56%.

Zəlzələ və vulkan püskürmələri kimi fəlakətlər isə meteoroloji olmadığı üçün rəqəmlərə daxil edilmir.

Amerika meteorologiya agentliyi NOAA tərəfindən müəyyən edilmiş oxşar qiymətləndirməyə görə, Birləşmiş Ştatlar 1980-cı ildən bəri 2,155 milyard dollardan çox ziyana görə 310 meteoroloji və iqlim fəlakətinə məruz qalıb.

Aygün Osmanlı

Telegramda izləyin