"Son ürək döyüntülərini hiss etdim" - Oğlu qucağında ölən İlon Mask

Dünyanın ən zəngin insanlarından biri olan İlon Maskın övlad acısı məhkəmə sənədlərində öz əksini tapıb. Belə ki, ABŞ-da bir ailə "Tesla"nın avtomobillərinin təhlükəsizliyi ilə bağlı məhkəməyə müraciət edib.

Sonxeber.az xarici mətbuata istnadən xəbər verir ki, ortaya çıxan bəzi məhkəmə qeydləri Maskın ilk uşağını itirdiyini ortaya çıxarıb.

2018-ci ildə "Tesla Model S" seriyalı avtomobil yüksək sürətlə hərəkət edərkən sürücü idarəetməni itirərək evin divarına çırpılıb. Avtomobildə olan iki nəfər həlak olub. Qəzadan bir müddət sonra Mask və qəza qurbanlarından birinin atası Ceyms Rayli arasında yazışmalar başlayıb.

Göndərdiyi elektron məktubların birində Mask oxşar ağrılar yaşadığını bildirərək bu ifadələri işlədib: "Sizi çox yaxşı başa düşürəm. İlk oğlum qucağımda öldü. Son ürək döyüntülərini hiss etdim".

Aygün Osmanlı

Telegramda izləyin