Putinlə Makronun uzun masa arxasında niyə oturtduqları məlum oldu - Sən demə...

Rusiya prezidenti Vladimir Putinlə Fransa prezidenti Emmanuel Makron arasında keçirilən görüşdə dünya gündəminə böyük təsir edən uzun masanın səbəbi ortaya çıxıb.

Sonxeber.az məlumat verir ki, "Reuters"in Makrona yaxın iki mənbəyə istinad etdiyi xəbərdə müsahibə zamanı istifadə edilən uzun masanın səbəbinin "PCR" test böhranı olduğu yazılıb.

Belə ki, Makrona seçim hüququ verilib. Rusiyada "PCR" testindən keçəcəyi təqdirdə Putinə yaxın olacağı deyilən Makron bu təklifi qəbul etməyib və görüşü sosial məsafə nəzarətində keçirməyə razılıq verib.

Məhz bu səbəbdən Putindən uzaqda oturmaq üçün 4 metrlik stoldan istifadə edilib.

İki liderin 4 metr uzunluğundakı stolun əks ucunda əyləşdiyini əks etdirən görüntülər dünya mətbuatında yayıldıqdan sonra Putinin diplomatik mesaj göndərmək istədiyi iddia edilib.

Aygün Osmanlı

Telegramda izləyin