Atasını güllələyərək öldürdü - YENİLƏNİB

Tovuzda 75 yaşlı kişinin qətli ilə bağlı cinayət işi açılıb.

Bu barədə BAKU.WS-ə Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, Tovuz Rayon Polis Şöbəsinə fevralın 14-də Hunanlar kəndində yaşayan ruhi xəstə C.Əliyevin evində münaqişə zəminində odlu silahdan açdığı atəşlə atası 75 yaşlı Qaməti öldürməsi barədə daxil olmuş məlumatla əlaqədar rayonun polis və prokurorluq orqanlarının əməkdaşları tərəfindən müvafiq tədbirlər görülüb.

Polis əməkdaşlarının keçirdikləri əməliyyat tədbirləri nəticəsində C.Əliyev şübhəli şəxs qismində tutularaq istintaqa təhvil verilib.

Ondan cinayətin aləti olan qanunsuz saxladığı "Vinçester" markalı silah götürülüb.

Faktla əlaqədar Cinayət Məcəlləsinin 120-ci maddəsi (qəsdən adam öldürmə) ilə cinayət işi başlanmılıb.

09:13

Tovuzda kişi odlu silahla qətlə yetirilib.

BAKU.WS report-a istinadən xəbər verir ki, 1947-ci il təvəllüdlü Qamət Əliyev qətlə yetirilib.

Onu qətlə yetirməkdə oğlu, 1980-ci il təvəllüdlü Ceyhun Əliyev şübhəli bilinir. C.Əliyevin psixoloji problemlərinin olduğu bildirilir.

Faktla bağlı Tovuz rayon Prokurorluğunda araşdırmalara başlanılıb.

Telegramda izləyin