Məktəblərdə tətil günlərinin müddəti uzadılır? - RƏSMİ CAVAB

Ötən gün məktəblərdə bayram tətilinin uzadılması ilə bağlı sosial şəbəkələrdə məlumatlar yayılıb. Bu isə valideynlər arasında müzakirələrə səbəb olub.

Təhsil Nazirliyi məsələ ilə bağlı Sonxeber.az-ın sorğusunu cavablandırıb.

Həmin cavabı olduğu kimi təqdim edirik:

"Azərbaycan Respublikası Nazirlər Kabinetinin "2022-ci il üçün Novruz, Ramazan və Qurban bayramları günlərinin müəyyən edilməsi haqqında" 2021-ci il 1 dekabr tarixli 375 nömrəli Qərarına (https://nk.gov.az/az/document/5726/) əsasən, 2022-ci il martın 20, 21, 22, 23, 24-ü Novruz bayramı günləri müəyyən edilmişdir və həmin günlər iş günləri hesab edilmir. Azərbaycan Respublikasının Əmək Məcəlləsinin 105-ci maddəsinin 5-ci hissəsinə əsasən, həftələrarası istirahət günlərinin iş günləri hesab olunmayan bayram günləri ilə üst-üstə düşməsi ilə əlaqədar olaraq, 25 mart da iş günü hesab olunmayacaqdır.

Beləliklə,

- 5 günlük rejimlə işləyən ümumi təhsil müəssisələrində Novruz bayramından əvvəl son dərs günü martın 18-i, bayramdan sonrakı ilk dərs günü martın 28-i,

- 6 günlük rejimlə işləyən ümumi təhsil müəssisələrində isə bayramdan əvvəl son dərs günü martın 19-u, bayramdan sonrakı ilk dərs günü martın 26-sıdır."

Aygün Osmanlı

Telegramda izləyin