Aİ-dən Ukrayna planı: Müharibədən qaçanlar üçün...

Avropa İttifaqının (Aİ) bəyanatına görə, Ukrayna ilə Rusiya arasında gedən müharibə səbəbindən ən azı 300 min ukraynalı qaçqın Aİ ölkələrinə sığınıb, milyonlarla əlavə qaçqın üçün isə hazırlıq görülür.

Sonxeber.az xarici mətbuata istinadən xəbər verir ki, bununla bağlı Fransa Daxili İşlər Naziri Gerald Darman "France 2" telekanalına müsahibə verib.

O, müharibədən qaçanları qəbul etməyin onların borcu olduğunu vurğulayıb və Aİ nazirlərinin ukraynalı qaçqınların müdafiəsinə dair qanun layihəsi hazırlamaq üçün Avropa Komissiyası ilə işə başladığını bildirib.

AB-nin 1990-cı illərdə Balkanlardakı müharibədən sonra hazırladığı və o vaxtdan bəri istifadə etmədiyi müvəqqəti qoruma qaydası sığınacaq axtaran şəxslərə Aİ sərhədləri daxilində 1 ildən 3 ilə qədər yaşamaq, işləmək, sosial təminat və tibbi yardım almaq hüququ verir.

Aİ Daxili İşlər Komissiyasının sədri İlva Yohanson ittifaqdakı nazirlərin əksəriyyətinin qanun layihəsini dəstəklədiyini açıqlayıb.

"Biz artıq görürük ki, bir çox ukraynalılar ilk daxil olduqları ölkələri tərk edərək, Avropa İttifaqının digər ölkələrinə, xüsusən də Ukrayna əhalisinin çoxluq təşkil etdiyi Polşa, İtaliya, Portuqaliya, İspaniya, Almaniya və Çexiya kimi ölkələrə üz tuturlar", - deyə o bildirib.

Aygün Osmanlı

Telegramda izləyin