Rusiyaya qarşı sanksiyalar Azərbaycan iqtisadiyyatına necə təsir edəcək?

İstiqamət: Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi

Rusiya-Ukrayna münaqişəsi fonunda artıq müxtəlif ölkələr, məşhur şirkətlər, banklar Rusiyalı təşkilatlara və bu dövlətin ayrı-ayrı fərdlərinə qarşı məhdudlaşdırıcı siyasi və iqtisadi tədbirlər həyata keçirir, sanksiyalar tətbiq edirlər. Bu isə, öz növbəsində, Rusiya iqtisadiyyatına mənfi təsirini göstərməkdədir.

Bildiyimiz kimi, Rusiya Azərbaycanla ticarət sahəsində aparıcı yerlərdən birini tutur.

Hazırda Rusiyaya tətbiq olunan sanksiyalar qonşu ölkə olaraq Azərbaycan iqtisadiyyatına nə kimi təsir edəcək?

Sonxeber.az-a açıqlmasında deputat Adın Hüseynov bildirib ki, Azərbacan hökumətinin vaxtında gördüyü tədbirlər sayəsində Rusiyaya qarşı tətbiq olunan sanksiyaların iqtisadiyyatımıza elə də ciddi təsiri olmayacaq:

"Məlumdur ki, Rusiya Azərbaycanın əsas iqtisadi tərəfdaşlarından biridir. Azərbaycan iqtisadiyyatı dünya iqtisadiyyatına inteqrasiya edib. Azərbaycanın, Rusiya ilə yanaşı, digər ölkələrlə də çox böyük iqtisadi əlaqələri var və bu iqtisadi əlaqələr getdikcə daha da genişlənir. O ki qaldı Rusiyaya tətbiq olunan sanksiyalara, əlbəttə, bu, Rusiya iqtisadiyyatına ciddi təsir edir. Təbii ki, region ölkələrinə bu və ya digər formada təsirsiz ötüşməyəcəyi məlumdur. Bununla belə, biz görürük ki, artıq Azərbaycan dövləti bu kimi xarici "şok"lara qarşı vaxtında tədbirlər görür. Biz pandemiyada da, ondan əvvəlki proseslərdə də gördük ki, Azərbaycan dövləti iqtisadiyyata kənar təsirlərin qarşısını vaxtında alır və adekvat tədbirlər həyata keçirir, dövlət proqramları tərtib edir. Ona görə də, hesab edirəm ki, Rusiyaya qarşı tətbiq olunan bu sanksiyalar Azərbaycan iqtisadiyytına öz ciddi təsirini göstərməyəcək.

Azərbaycan digər ölkələrlə də iqtisadi əməkdaşlığı genişləndirir və bizim valyuta rezervlərimiz kifayət qədərdir. Ona görə də Rusiyaya tətbiq olunan sanksiyaların Azərbaycan iqtisadiyyatına ciddi təsir edəcəyi proqnozlaşdırılmır. Hətta elə məqamlar var ki, burada Azərbaycan iqtisadiyyatının özünün inkişaf istiqamətlərinin və tərəfdaşları ilə ticarət əlaqələrinin daha dayanıqlı qurulması üçün imkanlar və potensial mövcuddur, ona görə də bu cür sanksiyaların Azərbaycana ciddi təsirinin olmayacağını inamla söyləyə bilərik".

Material Azərbaycan Respublikası

dəstəyi ilə hazırlanmışdır.

Aygün Osmanlı

Telegramda izləyin