Türkiyəni 3, İranı 6 bölgəyə parçalamaq istəyirlər

Dünya güclərinin region ölkələri ilə bağlı uğursuz yol xəritəsi mövcuddur.

Sonxeber.az Axar.az-a istinadən xəbər verir ki, bunu İranın keçmiş prezidenti Mahmud Əhmədinejat "İndependent Türkcə"yə açıqlamasında deyib.

O bildirib ki, Səudiyyə Ərəbistanı dördə, Türkiyəni üçə, İranı da altı bölgəyə parçalamaq istəyirlər:

"Onlar region ölkələrini parçalayıb kiçik və zəif dövlətlərə çevirmək istəyirlər. Bu onların yol xəritəsidir. Bu xəritədən xilas olmağın yeganə yolu region ölkələrinin birlik olmasıdır".

Sabiq prezident qeyd edib ki, İkinci Dünya müharibəsinin qalibi olan 5 ölkə özlərindən başqa heç bir ölkənin nüvə gücünə sahib olmayacağına dair razılıq əldə ediblər:

"Eyni şəkildə Səudiyyə Ərəbistanı, Türkiyə, Pakistan və İraqın güclü dövlət olmasına qarşı çıxırlar. İstəmirlər ki, ölkələrimiz güclü və qüdrətli dövlətlər olsun. Onlar düşünürlər ki, nüvə zənginləşdirməsi İranı gücləndirəcək. Bu, onların dəyişməz siyasətidir".

Telegramda izləyin