Diqqət: 5 aprel, saat 13:00-da - 800 mindən çox...

Qətərdə keçiriləcək DÇ-2022 üçün bilet satışının ilk mərhələsində 800 mindən çox bilet satılıb.

Sonxeber.az xəbər verir ki, bu barədə FİFA məlumat yayıb.

Məlumata görə, çempionatının açılış matçına və turnirin finalına bilet satışı daha çoxdur. Bilet satışının növbəti mərhələsi aprelin 5-də Bakı vaxtı ilə saat 13:00-da başlayacaq.
Qətərdə keçiriləcək dünya çempionatının qrup mərhələsinin oyunlarına biletlər əcnəbi azarkeşlər üçün 250-800 Qətər rialı (69-220 dollar), yerli azarkeşlər üçün 40 rial (11 dollar) qiymətindədir.

Final matçına bilet yerli futbolsevərlərə 206 dollara başa gələcək. Əcnəbi azarkeşlər 604 dollardan 1,6 min dollara qədər ödəməli olacaqlar.

Qeyd edək ki, dünya çempionatının final mərhələsi noyabrın 21-dən dekabrın 18-dək Qətərdə keçiriləcək.

Telegramda izləyin