Azərbaycanda Ramazan ayı sabah başlayır? - RƏSMİ

İnsanlar arasında müzakirəyə səbəb olan məqamlardan biri də Mübarək Ramazan ayının ilk başlandığı gündür. Bəziləri ayın hələ görünmədiyini deyərək, orucluğun aprelin 3-də başlayacağını qeyd etsələr də, bir çoxları ayın göründüyünü və Ramazan ayının ilk gününün 2 aprelə təsadüf etdiyini bildirirlər.

Məsələ ilə bağlı Sonxeber.az-a Qafqaz Müsəlmanları İdarəsi sədr müavini Fuad Nurullayev açıqlama verib.

O bildirib ki, Qafqaz Müsəlmanları İdarəsi artıq bununla bağlı fətva verib:

"Rəsmi saytımıza daxil olub baxa bilərlər. Bizim üfüqdə bu gün Mübarək Ramazanın 1-i hesab olunur. Rəsədxanaya göndərilən sorğunun hesabından cavab alınıb. Rəsədxana alimlərimiz bununla bağlı artıq qərar da verdilər ki, bu gün Azərbaycan üfüqündə Ramazan ayının biridir.
Başqa kim nə deyir, nə danışır, öz işidir. İnsanların söz azadlığı var. Müəyyən adamların fikirlərinə hörmətlə yanaşırıq. Başqa şeylərlə işimiz yoxdur. Allah oruc-namazları qəbul etsin".

ZAİRA AKİFQIZI

Telegramda izləyin