Restorandakı partlayışda məkan və maşınlara dəyən zərəri kim ödəyəcək? - AÇIQLAMA ÖZƏL

Xəbər verdiyimiz kimi, 3 gün əvvəl gecə saatlarında şəhərin mərkəzində yerləşən əyləncə məkanlarından birində baş verən partlayışla bağlı məkan sahibi saxlanılıb. Ona 3-6 il müddətində hökm oxunacağı gözlənilir. Hüquqi cəhətdən hansı məsələlər ola bilər ki, həbs müddəti azaldılsın? Bundan əlavə, həmin yerə, ətrafdakı məkanlara, maşınlara dəyən zərərləri qarşılamaq kimin öhdəsindədir?

Mövzuyla bağlı Sonxeber.az hüquqşünas Tağı Hüseynovdan münasibət öyrənib.

O bildirib ki, ehtiyatsızlıqdan törədilən cinayətlərdə məntəqə tipli cəza verilir:

"Cinayət Məcəlləsinin 225-ci maddəsinə (Yanğın təhlükəsizliyi qaydalarını pozma) əsasən, cinayət işi başlayıb. Orada məsuliyyətə cəlb olunan şəxsə 3 ildən 6 ilədək azadlıqdan məhrum edilmə nəzərdə tutulub. Mənim təcrübəmə əsaslansaq, məntəqə tipli cəza veriləcək. Ehtiyatsızlıqdan törədilən cinayətlərdə həmin cəza verilir. Bu partlayış da ehtiyatsızlıqdan baş verib.

Ərtafdakılara ziyan dəyməsi ilə bağlı isə deyə bilərəm ki, kimə nə qədər ziyan dəyibsə, mülki qaydada həmin şəxs cavabdehdir".

Aysel SƏFƏRZADƏ

Telegramda izləyin