Çarlz Darvinin "oğurlanmış" dəftərləri tapıldı - FOTO

Çarlz Darvinin yazdığı iki "oğurlanmış" dəftəri, müəmmalı şəkildə Kembric Universitetinə qaytarılıb.

Sonxeber.az xarici mətbuata istinadən xəbər verir ki, kiçik dəri cildli kitablar milyonlarla funt-sterlinq dəyərindədir və onlara alimin "həyat ağacı" eskizi də daxildir.

Universitetin kitabxanaçısı Cessika Qardner özünü çox xoşbəxt hiss etdiyini bildirir.

Ancaq bu iki bloknotları kimin qaytardığı məlum deyil.

Qeyd edək ki, hədiyyə çantasının içərisinə qoyulan dəftərlərin yanında bir zərf də olub.

Zərfin üzərində yazılıb: "Kitabxanaçı, Pasxa bayramınız mübarək".

Bloknotlar 1830-cu illərin sonlarına, Darvin Qalapaqos adalarından qayıtdıqdan sonrakı dövrə aiddir. Bir səhifədə o, təkamül nəzəriyyəsini ilhamlandırmağa kömək edən və 20 ildən çox müddət sonra "Növlərin Mənşəyi" haqqında təməlqoyma işində mərkəzi nəzəriyyəyə çevriləcək ağacın zərif eskizini çəkib.

Aygün Osmanlı

Telegramda izləyin