Kluba gedən azyaşlılara görə məsuliyyəti kim daşıyır?-AÇIQLAMA

Bildiyiniz kimi, aprel ayının 3-də Səbail rayonu, Tərlan Əliyarbəyov 13A ünvanında fəaliyyət göstərən "Location" gecə klubunda dəhşətli partlayış baş verib. Bir çox insanlar kluba hətta yetkinlik yaşına çatmayan şəxslərin də getdiklərini bildirirlər. Yaşı 18-dən az olan yeniyetmələrin kluba daxil olmasına görə kimlər məsuliyyət daşıyır?

Məsələ ilə bağlı Sonxeber.az-a millət vəkili Fazil Mustafa açıqlama verib.

O bildirib ki, burada birbaşa həmin müəssisəni idarə edən şəxslər məsuliyyət daşıyır:

"Qanunvericilikdə də var ki, belə yerlərə yetkinlik yaşına çatmamış uşaqların daxil olması qadağandır. Hətta yaşı az olanlara siqarət satılmır. Amma bizdə belədir ki, "Tutulmayan oğru deyil" variantı ilə uşaq da gedib siqaret ala bilir.

Amma əslində buna ciddi əməl olunmalıdır və bu cür yerlərə baş çəkən insanlar mütləq yetkinlik yaşına çatmış olmalıdırlar. Çünki onları hansısa yollarla aldadaraq "tovlayıb", oralara cəlb etmək istəyən bir şəbəkə mövcuddur.

Ona görə də, bu məsələdə mütləq nəzarət olmalıdır. Burada artıq mühafizə deyil, konkret olaraq həmin obyekti idarə edənlər, hüquqi şəxslər məsuliyyət daşıyırlar. Mütləq qaydalar qoyulmalıdır, girişdə 18 yaşdan aşağı olan uşaqlara qağan olduğunu bildirən yazı vurulmalıdır".

ZAİRA AKİFQIZI

Telegramda izləyin