Avtobuslarda gediş haqqı artırılır? - AÇIQLAMA

Bəzi sərnişindaşıma şirkətləri gediş haqqının qaldırılmasını istəyirlər. Şirkətlərin nümayəndələri bununla əlaqədar Tarif (qiymət) Şurasına müraciət ediblər.

Məsələ ilə bağlı Sonxeber.az-a nəqliyyat eksperti Rövşən Həsənov açıqlama verib.

O, Tarif Şurasına müraciət olunduğunu təsdiqləyib:

"Lakin Tarif şurası bu barədə hələ düşünülmədiyini bildirib. Bəlkə, yaxın gələcəkdə bu həyata keçirilə bilər. Bütün dünyada artım varsa, bu, bizdə də qaçılmazdır. Amma postsovet məkanına nəzər yetirsək, hələlik nəqliyyatda artım müşahidə olunmur.

Düzdür dəmiryolunda kifayət qədər nəzərə çarpacaq artım oldu. Lakin bu o demək deyil ki, avtobuslarda da gedişhaqqı artmalıdır. Ümid edir və inanıram ki, yaxın gələcəkdə bu, baş verməyəcək. Yanacağın qiyməti artıb ki, gediş haqqı da artırılsın?!"

ZAİRA AKİFQIZI

Telegramda izləyin