Uşaqlarda kəkələmə probleminin yaranma səbəbləri və həlli - Defektoloq AÇIQLADI

Təəssüf ki, hazırkı dövrdə uşaqların nitqində daha çox problemlər ortaya çıxır. Bunların içərisində kəkələmə problemi daha aktualdır. Bu qüsur isə anadangəlmə də olur, sonradan da yaranır. Sonradan yaranmasına qorxunun səbəb olduğunu bilirik. Bəs başqa hansı hallar kəkələməyə səbəb ola bilər? Bu problemin anadangəlmə olmasına nə yol açır?

Mövzuyla bağlı Sonxeber.az-a loqoped, defektoloq Rufa Mirişli açıqlama verib.

O bildirib ki, burada genetik faktorun böyük rolu var:

"Əgər ailədə (ata, ana, baba, nənə, əmi, dayı və s.) kəkələmə varsa, bu uşağa da təsir edə bilir. Bundan əlavə, uşaqda təqlid etmə xüsusiyyəti varsa, bu da kəkələmə problemini yarada biləcək səbəblərdəndir. Mərkəzi sinir sistəmi zəif, həssas olarsa, uşaqda bu qüsur yaranacaq. Təbii ki, onunla yanaşı gedən burun-boğaz, nevroloji xəstəliklər də olur . Nitqin tempinin surətli olması da gələcəkdə kəkələməyə çevrilə bilər. Yenə də valideynin diqqətcil olması, zamanında mütəxəssisə müraciət etməsi və korreksiya aparılması mütləqdir".

Aysel SƏFƏRZADƏ

Telegramda izləyin