"15 nəfərdən 10-u məndən iş, 5 nəfər borc istəyirdi"- Fazil Mustafa

"Bakıxanov qəsəbəsində qəbuluma gələn seçicilərin təqribən 15 nəfərindən 10 nəfəri məndən iş istəyirdi. Məşğulluq idarəsindən deyil, deputatdan iş istəyirdilər. 5 nəfər məndən borc istəyirdi. Bankdan deyil, deputatdan borc istəyirdilər".

Sonxeber.az bildirir ki, bu sözləri Millət vəkili Fazil Mustafa parlamentin plenar iclasında deyib.

O, həmin adamların fırıldaqçı olmadıqlarını, bunu çarəsizlikdən etdiklərini vurğulayb:

"Birinin anası xəstə, birinin qardaşı xəstə. Onlar fırıldaqçı deyildilər. Üzlərindən görünür ki, şəxsiyyətli, özünə hörmət edən insanlar idi".

ZAİRA AKİFQIZI

Telegramda izləyin