Baydendən ilk dəfə "SOYQIRIMI" ifadəsi

ABŞ prezidenti Co Bayden ilk dəfə "soyqırımı" ifadəsindən istifadə edib.

Sonxeber.az xəbər verir ki, ölkədəki qiymət artımının vətəndaşlara təsirini azaltmaq üçün əllərindən gələni etdiklərini qeyd edən Bayden Ukrayna işğalının bütün dünyada yanacaq və ərzaq qiymətlərini artırmasına təsir göstərəcəyini bildirib.

"Dünyanın ən böyük taxıl istehsalçıları olan Çin, Rusiya və Ukrayna daha əvvəlki kimi istehsal etmirlər. Ona görə də hər şeyin qiyməti qalxır. Bu gün açıqlanan inflyasiyanın 70 faizinin yanacaq və ərzaq qiymətləri ilə bağlı olduğunu gördük", - deyə o vurğulayıb.

Bayden inflyasiyanı "Putinin qiymət artımı" olaraq xarakterizə edib.

O, bütün dünyada və ABŞ-da yanacaq qiymətlərini endirmək üçün hər gün strateji neft ehtiyatlarından 1 milyon barrel neft buraxdıqlarını və digər ölkələrin də buna bənzər addımlar atdıqlarını ifadə edib.

Qeyd edək ki, daha öncə Buça hadisələrini "müharibə cinayəti" kimi qiymətləndirən Bayden Rusiyanın Ukraynada törətdiyi hadisələrlə bağlı ilk dəfə "soyqırımı" ifadəsini işlədib.

Aysel QULİYEVA

Telegramda izləyin