"Daha bir qadını əlavə etmək istədiyimi dedikdə..." - Üçəm bacılarla yaşayan Stivo - FOTOLAR

Stivo adlı Keniya sakini üçəm bacılarla evlənmək niyyətindədir.

BiG.AZ xəbər verir ki, bu barədə "Metro" yazır.

Belə ki, Stivo ilk öncə Keyt ilə tanış olub, sonradan isə onun Yeva və Meri adlı daha iki əkiz bacısının olduğunu öyrənib.

Bir müddət sonra, xristian olduqlarına baxmayaraq, üç bacının üçü də Stivo ilə ailə qurmaq istədiklərini bildiriblər.

Stivo həmişə poliqam münasibətlərə meyilli olduğunu, lakin keçmiş sevgililərinin onu anlamadıqlarını deyib:

"Mən həmişə düzgün və sadiq olmuşam, lakin keçmiş sevgililərimə münasibətlərimizə daha bir qadını əlavə etmək istədiyimi dedikdə, onlar məni tərk edirdilər".

Artıq 2 aydır ki, Stivo 3 bacı ilə birlikdə yaşayır. Sevgililər bir-birilərini anlamağı və münaqişə etməməyi öyrənirlər. Məsələn, onlar belə bir qayda qoyublar ki, bazar ertəsindən çərşənbəyədək bacılar axşamları növbə ilə Stivonun yanında olurlar, həftəsonlarını isə birlikdə gələcək həyat yoldaşları ilə keçirirlər.

Qeyd edək ki, 2014-cü ildə Keniya Parlamenti kişinin bir neçə qadınla evlənə biləcəyinə icazə verən qanun qəbul edib. Buna baxmayaraq, çoxarvadlılıq ölkənin müsəlman əhalisi arasında daha çox yayılıb, xristianlar arasında isə yalnız bəzi kiçik icmalarda poliqamiya günah sayılmır.

Telegramda izləyin