Universitetdə müzakirələrə səbəb olan ilan elanı ilə bağlı AÇIQLAMA - FOTO

Bir neçə gündür ki, sosial şəbəkələrdə Azərbaycan Mühəndislik Universitetinin həyətində ilanların olması ilə bağlı məlumatlar yayılıb. Daha sonra universitetin həyətindəki ağaca yapışdırılan elan müzakirələrə səbəb olub. Həmin elanda ilandan ehtiyatlı olmaqla bağlı xəbərdarlıq yer alıb.

Mövzu ilə bağlı Sonxeber.az saytına universitetin mətbuat katibi Elman Babayev açıqlama verib.

O bildirib ki, universitet rəhbərliyi aiddiyyəti üzrə Abşeron Rayon Gigiyena və Epidemiologiya Mərkəzinə müraciət edib:

"Bu gün universitetin bütün ərazisi dərmanlanıb, ilanlara qarşı tədbir görülüb. Dərmanlanma işi aparıldığı üçün universitet bağlı olub.

Universitetdə elanla bağlı şəklin kim tərəfindən yapışdırıldığından xəbərim yoxdur".

AYSEL QULİYEVA

Telegramda izləyin