"Diaspora quruculuğu ilə bağlı qarşıda görəcəyimiz çox işlər var" - Ceyhun Məmmədov

İstiqamət: Diaspor quruculuğu, lobbiçilik və dünya azərbaycanlılarının həmrəyliyi

Azərbaycanda diaspor quruculuğu, lobbiçilik, dünya azərbaycanlılarının həmrəyliyi istiqamətində hansı işlər görülür?

Bununla bağlı Sonxeber.az-a açıqlama verən deputat Ceyhun Məmmədov bildirib ki, Azərbaycan diasporası böyük bir məsafə qət edib:

"Ümumiyyətlə bilirik ki, son illər Azərbaycanda bu istiqamətdə mühim addımlar atılıb. Ölkəmizdə ayrıca bir qurum yaradılıb. Hesab edirəm ki, bu gün dövlət səviyyəsində ən çox qayğı və diqqət göstərilən sahələrdən biri diaspor quruculuğudur. Bir müddət əvvəl Şuşa şəhərində tədbir keçirildi və burda da müvafiq tövsiyələr, tapşırıqlar verildi. Diaspor Komitəsi xaricdə də bir sıra addımlar atır, tədbirlər həyata keçirir. Azərbaycandan kənarda fəaliyyət göstərən azərbaycanlılarla əlaqələrin qurulması istiqamətində müəyyən uğurlarımız var. Amma düşünürəm ki, qarşıda görəcəyimiz çox işlər var. Buna azərbaycanlıların yaşadıqları ölkələrdə daha fəal olmaları, onların yaşadıqları ölkədə həyata keçirilən siyasi tədbirlərdə iştirak etmələri daxildir.

Qeyd edim ki, Azərbaycan diasporası böyük bir məsafə qət edib və növbəti illərdə də bununla bağlı uğurlarımız daha çox olacaq".
Material Azərbaycan Respublikasının

dəstəyi ilə hazırlanmışdır.

Şəbnəm Lətifi

Telegramda izləyin