Son 20 ildə ən dağıdıcı ZƏLZƏLƏ: Əhalidən dünyaya ÇAĞIRIŞ

Əfqanıstanda son iyirmi ilin ən dağıdıcı zəlzələsi baş verib.

Sonxeber.az "BBC"-yə istinadən xəbər verir ki, dağıntılardan sağ çıxanlar indi aclıq və xəstəliklə qarşı-qarşıyadırlar. Sığınacaqları olmayan vətəndaşlar vəba xəstəliyinin yayılmasından qorxurlar.

Zəlzələnin ən çox ziyan vurduğu əyalət isə Paktikadır. Orada 1000-ə yaxın insanın öldüyü və 3000-dən çox insanın yaralandığı güman edilir.

Təbii fəlakətdən sağ çıxanlardan biri olan Həbib Gül dünyaya səslənib.

O bildirib ki, əgər dünya onlara qardaş kimi baxsa və kömək etsə, öz torpaqlarında qalacaqlar:

"Əgər kömək etməsələr, bu qədər vaxt keçirdiyimiz bu yerdən göz yaşları ilə ayrılacağıq. Hərbi helikopterlər artıq yaralıları daşımır, ləvazimatları çatdırırlar. Taliban rəsmiləri bizə deyirlər ki, xilasetmə əməliyyatı artıq başa çatıb. Ən aktual ehtiyac isə evsiz qalan yüzlərlə ailə üçün sığınacaqdır".

Aysel SƏFƏRZADƏ

Telegramda izləyin

instagramda izləyin