Ağamalıya gülün, ağlamalı günləriniz qabaqdadır

Ağamalıya gülün, ağlamalı günləriniz qabaqdadırMillət vəkili Fəzail Ağamalının gilasın 8 manata olmasına özünəməxsus şəkildə etirazı günlərdir sosial şəbəkələrdə "gülüş obyektinə" çevrilib, hətta klounlar da harda bişdiyini bilmədikləri bu məsələyə öz ağıllarına və səviyyələrinə uyğun "kliplər" həsr edirlər.

Mövzu tapıblar sanki – çox istedadsızdırlar: söhbətin mahiyyətinə varmadan, yalnız şit gülüş və qeyri-ciddi başqatma ilə məşğuldurlar. Sənətçisi, ziyalısı belə olanın "zəhmətkeşi" də rayondan gilas alıb, MM-in qarşısına "tiktok"lamağa gələn olacaq...

Fəzail Ağamalı bu ölkədə nazir müavini və nazir əvəzi olan şəxsdir: hərəkatdan gəlib, illərdir millət vəkilidir, partiya sədridir. Guya kim bilmir ki, onun 8 deyil, 80 manata da gilas almaq imkanı var!

Ancaq Fəzail Ağamalı nə etdi? Durdu, gəldi, sadə vətəndaşın yanında dayandı və vəziyyətin dramatikliyini daha sərt, açıq, aydın şəkildə göstərmək üçün mübaliğədən istifadə etdi; sadə vətəndaşın yanında dayanıb, hökuməti, Bakı merini, kənd təsərrüfatı nazirini və s. ittihamladı.

Kişi kimi, mərd-mərdanə sizin yanınızda durub, Eldar Əzizova, İnam Kərimova qarşı sinəsini qabağa verdi, onlara vəziyyətin çox dramatik olduğunu izah etdi – şişirtmə ilə, mübaliğə ilə.

Şişirtmə, mübaliğə bilirsinizmi nədir?

"Dağ boyda kişi" olurmu? Adam da dağ boyda olar? Bəs niyə "dağ boyda kişi" deyirik?

Kişinin əzəmətini göstərmək üçün! Buna deyirlər fikri izah etmək üçün istifadə edilən mübaliğə, bənzətmə, şişirtmə, metafora – başa düşdünüz?

Başa düşmədiniz, başa düşsəniz, bir millət vəkilinin 8 manata gilas ala bilmədiyini deməsini sözün hərfi mənasında qanıb, bu qədər şou göstərməz və özünüzü əbləh yerinə qoymazdınız.

Adamları sizin yanınızda olduğuna, sizin dərdinizi dediyinə, sizin ağrılarınızı öz üzərlərində hiss etdiklərini göstərdiklərinə peşman edirsiniz.

Nə düşmüşdü Fəzail Ağamalıya ki, sizin səviyyənizə - sözün hər mənasında – enib, yekə-yekə məmurlara bu bahalığa son qoymaq üçün çağırış edəydi?

Gərək sizi vecinə almayaydı, adam yerinə qoymayaydı, mövsüm meyvələrinin bahalığından şikayət etməyəydi, mövsüm meyvələrini monopoliyaya götürüb, milyardlar qazananlara, yalançı yarmarkalar keçirib, gözdən pərdə asmaq istəyən vicdansızlara qarşı çıxmayaydı. Həm o yekələrlə düşmən olacaq, həm də qeyri-ciddi, sözqanmaz klounların məsxərə obyekti olacaq? Kimə lazımdır bu?

Hər zaman belə olmusunuz – məmurunuzu da, deputatınızı da özünüzdən bu cür uzaqlaşdırmısınız. İndi hansı deputat sizi müdafiə edəcək? Hansı deputat sizin acılarınızı öz acısı kimi ifadə edib, Eldar Əzizova meydan oxuyacaq? Elə Eldar müəllimi müdafiə edib, daha bir güzəşt qazanar da. Niyə sizi müdafiə edib həm məmurlarla dalaşmalı, həm də sizin mənhus ağzınıza düşməli, kefi pozulmalı, yanıb-yaxılmalıdır!

Bir müddət əvvəl Dilçilik İnstitutu meymunçiçəyi xəstəliyinin adının yazılış qaydası ilə bağlı açıqlama yayanda da belə hoydu-hoyduya başlamışdınız. Dilçilik İnstitutu bəlkə də son bir ildə ilk dəfə idi ki, vəzifəsini yerinə yetirirdi və bu sözün düzgün yazılışını dərhal elan edirdi ki, dili qorusun. Oysa "Azərtac"da belə bu xəstəliyin adı 4 variantda yazılırdı – tam bir xaos idi.

Biriləri isə başladı Dilçilik İnstitutunu hədəf seçib, lağ obyektinə çevirməyə. İndi o dilçilər sizin bu qeyri-ciddiliyinizi görüb, yanlışınızı, eyibinizi növbəti dəfə düzəltməyə cəhd edəcəkmi?

Yaxud bir müddət əvvəl Lalə Azərtaşın sözünü qanmadan, özünü başa düşmədən başlayan "lağ-lağı"...

"Qananı başa salmaq – bostançıya tərə satmaq/ qanmazı başa salmaq – kasıbkarlıq əldə gedir" deyib atalarımız.

Qanmazlara söz başa salınca, adamın vaxtı, əsəbi, enerjisi gedir, ondansa gedib kasıbkarlığını etsə, ruzisini qazansa min pay yaxşıdır.

Fəzail Ağamalının "8 manat" sözündən sonra dünən baxmışam, gilas 9 manat 55 qəpiyə qalxıb marketlərdə. Haqq olur bizə, əcəb olur!

O düşük, əskik materiallara vaxt sərf edən klounlar gedib rayonda gilas yetişdirən adamın qapısında məhsulunu 50-60 qəpiyə satdığını göstərsəydi, Bakıda isə onun 8-10 manata olmasının səbəbini axtarsaydı, indi vəziyyət necə olardı?

Kənd təsərrüfatı yarmarkaları keçirilir – guya! Girirsən yarmarkalara - marketlərlə, bahalı bazarlarla qiymət fərqi az qala yoxdur.

Halbuki yarmarkalarda satış piştaxtaları pulsuz verilir (verilməlidir), kəndçinin məhsulunu o yarmarkalara gətirməsi üçün nəqliyyat ayrılır (ayrılmalıdır). Yaxşı, bəs, 50 qəpiyə qapısında gilas satan kəndçi niyə yarmarkada 7 manata satır gilası? Niyə ondan ucuz satmaq ona sərf etmir? Axı yeri pulsuz, nəqliyyat havayıdır!

Demək ki, pulsuz deyil! Demək ki, yarmarkalar gözdən pərdə asmaq üçündür! Demək ki, BM (Bakı meriyası) və KTN (Kənd Təsərrüfatı Nazirliyi) elə mahiyyətcə KVN-dir, bizə gülür, bizi ələ salır, bizi dolayır.

Bunları araşdırmaq, üzə çıxarmaq və əhaliyə faydalı olmaq əvəzinə sizlər günlərdir nə iş görürsünüz?

Sabah bu ölkədə buğda da bahalaşacaq – necə ki, bahalaşır, çörək də, ictimai nəqliyyatda gediş haqqı da... Ancaq bir deputat qalxıb deməyəcək ki, bu bahalıqda gediş haqqı olar?

Çünki klounlar, mənasızlar yenə doluşacaq sosial şəbəkələrə, başlayacaqlar ki, marşrut bahalaşıb, sənə nə? Sən heç marşruta minmirsən axı – öz xidməti maşının var və s.

Bu cür davrandığımızdır ki, bizi müdafiə edənlər sürətlə azalır. Fazil Mustafa, Aqil Abbas və bu kateqoriyadan olan barmaqla sayılası deputatların sayını azaltmaqla məşğuluq, imkan vermirik ki, adamlar yanımızda olsunlar.

O qədər qeyri-ciddilik edirsiniz ki, indiki bahalığı da, indiki yaşayışımızı da, hazırkı durumunuzu da haqq edirik.

Media artıq əhalinin qayğılarını ifadə etmək üçün deputat, ekspert tapıb danışdıra bilmir. Hər kəsə bir cavabınız var, kim bir fikir deyirsə, dərhal söyürsünüz, təhqir edirsiniz, aşağılayırsınız.

Savadsızlıq, intellektsizlik, başqasının fikrinə hörmət etməmək baş alıb gedir.

Dünyanın heç bir yerində belə total qeyri-ciddilik müşahidə etmək mümkün deyil; sosial şəbəkələrin digər ölkələrdəki seqmentlərində bu qədər təhqir, alçaltma görməzsən.

Dünyanın bütün fikir adamları, siyasi-ictimai fəalları, satiraçıları, yumorçuları cəmiyyətdəki problemləri öz üslublarınca ifadə edir – daha düşükcəsinə, yalnız hırıldamaq xatirinə kimlərisə peşman edib, mahiyyətdə cəmiyyətə ağır zərbə vurmur.

Cəmiyyəti, xalqı, əhalini düşünən yoxdur, sanki qəsdən, bilərəkdən bu xalqa qarşı nə mümkündürsə, onu edirlər.

Belələrinin "kərimə dövlət"çilərdən fərqi yoxdur.

Əstafurullah, fərqi var: kəriməçilərin hansı yuvanın quşu olduğunu və nə etmək istədiyini dərhal bilmək olar, bu klounlar isə cəmiyyətin müvazinətini, müqavimətini öz qeyri-ciddilikləri ilə sarsıdıb, fikir, düşüncə sahiblərini bezdirir, özlərindən uzaqlaşdırırlar.

Xalqa xəyanətin bundan o tərəfi yoxdur! /Axar


Sonxeber.az Telegramda izləyin instagramda izləyin
Sosial   Baxılıb: 1191   Tarix: 25 iyun 2022  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

Lənkəranda dəhşətli qəzada ölən şəxslərin adları açıqlandı

Daxili İşlər Nazirliyi (DİN) Lənkəranda ata və oğulun öldüyü yol qəzası barədə məlumat yayıb. DİN-in Mətbuat Xidmətinin Lənkəran regional qrupundan -a verilən məlumata görə, martın 28-də saat 8 radələrində Lənkəran şəhərinin Sütəmurdov kəndi ərazisində Ə.Sədiyarovun idarə etdiyi "Mercedes-Benz"

28 mart
.

Suraxanıda 36 yaşlı qadını avtomobil vurub

Bakının Suraxanı rayonunda 36 yaşlı qadın yol-nəqliyyat hadisəsi zamanı xəsarət alıb. "Report" xəbər verir ki, 1988-ci il təvəllüdlü Xatirə Əyyub qızı Yusifova yolu keçərkən avtomobil onu vurub. Yaralı müxtəlif dərəcəli xəsarətlərlə xəstəxanaya çatdırılıb. Faktla bağlı araşdırma aparılır

28 mart
.

Liftdəki ölümə görə yüksəkvəzifəli şəxsə şiddətli töhmət verildi - FOTO

Bakı Şəhər İcra Hakimiyyətində paytaxtın təsərrüfat xidmətləri rəhbərlərinin iştirakı ilə geniş tərkibli müşavirə keçirilib. Bakı Şəhər İcra Hakimiyyətinin Mətbuat Xidmətindən verilən məlumata görə, müşavirədə paytaxtın çoxmərtəbəli yaşayış binalarında mövcud lift təsərrüfatının vəziyyəti təhlil edilib

28 mart
.

Mingəçevirdə yaşayış binasında baş yanğınla bağlı RƏSMİ AÇIQLAMA - VİDEO - YENİLƏNİB

FHN-in "112" qaynar telefon xəttinə Mingəçevir şəhərində H. Hüseynov küçəsində yeddimərtəbəli yaşayış binasının beşinci mərtəbəsində mənzildə yanğın baş verməsi barədə məlumat daxil olub. Bu barədə -in sorğusuna cavab olaraq FHN-dən bildirilib. "Hadisə ilə əlaqədar FHN-in yanğından mühafiz

28 mart
.

Bu avtomobillərlə taksi işləmək qadağan olunur

Dövlət qeydiyyat şəhadətnaməsində göstərilən buraxılış tarixindən 15 ildən artıq müddət keçən avtomobil nəqliyyatı vasitələri taksi minik avtomobilləri ilə sərnişin daşımalarında istifadə oluna bilməz. Bu barədə Nazirlər Kabineti "Müntəzəm və taksi minik avtomobili ilə sərnişin daşımalarında istifad

28 mart
.

Bakı Olimpiya Stadionunun qarşısında qəza: Sıxlıq var - FOTO

Paytaxtın Heydər Əliyev prospekti, Bakı Olimpiya Stadionunun qarşısında yol-nəqliyyat hadisəsi baş verib. Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb. Bildirilib ki, qəza səbəbindən mərkəz istiqamətində sıxlıq yaranıb. Sıxlığın qarşısını alma

28 mart
.

Boşanma zamanı əmlakın bölünməsi ilə bağlı daha bir yenilik - Video

Boşanma zamanı ər-arvadın əmlakının bölünməsi ilə bağlı yeni qərar qəbul edilib. "Qafqazinfo"nun məlumatına görə, Xəzər TV-də yayımlanan süjetdə bildirilib ki, boşanma zamanı tərəflər arasında sənədsiz evlərin də bölgüsü aparılacaq. Belə ki, əgər tərəflər nikah dövründə özbaşına tikili inş

28 mart
.

Müəllimlərin maaşı ARTIRILIR? - AÇIQLAMA

Repetitorların sayının artması artıq təhsil sistemində əsas problemlərdən birinə çevrilib. Valideynlərin bir çoxu deyir ki, övladını repetitor yanına göndərməsə, onun universitetə qəbul olmağı çətindir. Bu gün repetitorların sayının azaldılması istiqamətində verilən təkliflərdən biri müəllimlərin maaşlarını

28 mart
.

Taksilərdə POS-terminal olmalıdır - Yeni TƏLƏB

Taksi minik avtomobili ilə sərnişin daşımalarında istifadə olunan avtonəqliyyat vasitələrinin daxili tərtibatına dair tələblər müəyyənləşib. Trend-ə istinadən xəbər verir ki, bu, Nazirlər Kabinetinin bu gün təsdiqlədiyi "Müntəzəm və taksi minik avtomobili ilə sərnişin daşımalarında istifadə oluna

28 mart