"Putin ölümcül xəstədir? Özünüzü aldatmağa dəyməz..."
"Bu ilin oktyabr ayında Putinin 70 yaşı tamam olur və qocaldıqca onun sağlamlığına diqqət yalnız güclənəcək"
"Bəziləri onun ciddi xəstə olduğu, bəziləri isə hətta öldüyü qənaətindədir"
"Kreml Putinin sağlamlıq vəziyyətinin əla olduğunu iddia edir..."
"Putin ölsə belə, bu, Ukraynada hərbi əməliyyatların sona yetməsinə kömək etməyəcək"
Son zamanlar Rusiya prezidenti Vladimir Putinin sağlamlığı barədə şayiələr dalğası səngimək bilmir. Anonim və o qədər də anonim olmayan mənbələr iddia edir ki, o, xərçəngdən və Parkinson xəstəliyindən əziyyət çəkir, bəziləri isə az qala onun öldüyünü və oxşarının əvəzləməsini iddia edib.
Moderator.az xəbər verir ki, bu barədə "Detaly" nəşri yazıb.
Putinin yüksək vəzifəli köməkçiləru ilə görüşündən çəkilən fotoşəkillər az qala mikroskop altında nəzərdən keçirilir: müdafiə naziri Sergey Şoyqu ilə görüşdə o, ağrıdan masadan tutmayıbmı? Onun şişkin sifəti steroid preparatların istifadəsinin əlaməti deyilmi? Titrəyən ayağı Parkinson xəstəliyinə dəlalət etmirmi?
Ötən bazar günü Rusiyanın xarici işlər naziri Sergey Lavrov öz müsahibəsində Putinin xəstəliyi və ya ölümü barədə gümanları təkzib etməyə məcbur olub.
"Prezident Vladimir Putin hər gün ictimaiyyət qarşısına çıxır, - Lavrov bunu fransız televiziyasına müsahibəsində deyib. - Siz onu ekranlarda görə, çıxışlarını oxuyub dinləyə bilərsiniz. Mən düşünmürəm ki, sağlam düşüncəli insanlar hər hansı xəstəlik və ya pis ovqatın əlamətlərini görə bilər".
O, deyib ki, Putinin sağlamlığının pis olması barədə məlumatları "bu şayiələri yayanların vicdanına buraxır".
Mayın 30-da Putin Türkiyə prezidenti Rəcəb Tayyib Ərdoğanla danışıb və Təhlükəsizlik Şurasının iclasını keçirib. Hər iki görüş distansiyadan baş tutub. Putinlə görüşən və karantindən keçməyən köməkçiləri və dünya liderləri prezidentdən on metr aralıda uzun masa arxasında əyləşməli olub.
Bundan öncə uzun illər Rusiyada işləyən sabiq britaniyalı casus bəyan edib ki, Putin "ciddi xəstədir". O, iddia edib ki, onun xəstəliyi Rusiyanın Ukraynaya müdaxiləsinin "elementlərindən biri" olub.
Ötən həftə oxşar bəyanatla Ukrayna hərbi kəşfiyyatının rəisi Kirill Budanov da çıxış edib.
"Onun bir sıra xəstəlikləri var, onlardan biri də xərçəngdir", - bunu Budanov "Ukrainskaya pravda" nəşrinə müsahibəsində deyib. - Lakin Putinin sabah ölməsinə ümid etməyə dəyməz".
O, həmçinin bəyan edib ki, çevriliş "nəticə etibarı ilə Rusiya Federasiyasında rəhbərliyin dəyişilməsinə gətirib çıxaracaq. Bu prosesə artıq start verilib".
May ayında sabiq sovet kəşfiyyatçısı Boris Karpuçkov "Sun" qəzetinə heç bir sübut olmadan məlumat verib ki, Putin "çoxsaylı" xəstəliklərdən, o cümlədən demensiya və Parkinson xəstəliyindən əziyyət çəkir.
"New Lines" jurnalı iddia edir ki, əldə edilən səs yazısında oluqarxlardan biri deyir ki, Putin "qan xərçəngi xəstəsidir". Bu məlumatların heç biri təsdiq edilməyib.
Vaşinqtondakı qanunvericilərdən, kəşfiyyat komitəsindən respublikaçı senator Marko Rubio da söhbətə qoşulub.
"Mən sizinlə daha müfəssəl məlumatı bölüşmək istərdim, lakin hələlik onu deyə bilərəm ki, Putinlə nəsə baş verir", - Rubio fevralın sonunda özünün "Twitter"səhifəsində yazıb.
"Layihə" tədqiqat saytının məlumatlarının birində deyilir ki, Putində qalxanabənzər vəzin xərçəngi və ya başqa xəstəlik güman edilir. Jurnalistləri bu nəticəyə gəlməyə Putinin səfərləri zamanı onu müntəzəm olaraq onkoloq və iki otolarinqoloqun ziyarət etməsi barədə məlumatların sosial şəbəkələrə sızması sövq edib.
Həmçinin müəyyən edilib ki, prezidentin tibbi heyəti 2017-2019-cu illərdə iki dəfə artıb.
Kreml Putinin xəstəliyi barədə məlumatları təsdiq etməyib, bəyan edib ki, Rusiya liderinin sağlamlıq vəziyyəti əladir.
Kremlin mətbuat katibi Dmitri Peskov Putinin xəstəlikləri ilə spekulyasıyaları "uydurma və həqiqətə uyğun olmayan" adlandırıb.
Rusiya prezidentinin xəstəlikləri və travmaları haqqında şayiələr artıq iyirmi ilə yaxındır davam edir və bunun da günahı müəyyən mənada Kremldədir, çünki Putinin sağlamlığı və yeri barədə məlumatlar ciddi surətdə gizlədilir.
Hakimiyyətə gəldiyi gündən Putin özünün cəsarətli və idman obrazını saxlamağa çalışıb. Onun at üstündə köynəksiz gəzintiləri, dzüdo və xokkeylə məşğul olması sələfi Boris Yeltsindən fərqini göstərib, çünki Yeltsin güclü içən olub, sağlamlığının zəif olması sonucda onu pis liderə çevirib.
Lakin keçmişdə Putin bir neçə həftə yoxa çıxanda xokkey və dzüdo məşğələləri zamanı idman travmaları alması barədə məlumatlar yayılıb. Bu yaxınlarda o, deyib ki, öz prezidentliyinin əvvəlində atdan yıxılıb.
Kreml müntəzəm olaraq "konservlər"dən istifadə edir, yəni əvvəlcədən reportajlar çəkilir, belə təəssürat yaranır ki, iclaslarda özü iştirak edir, əslində isə özü oralarda olmur. Belə hallardan biri koronavirus zamanı baş verib, Kreml iddia edib ki, Putin Moskvadadır, eyni zamanda onun Soçidə oxşar kabineti olduğu barədə məlumat yayılıb.
Müharibə başlanandan bəzi məlumatlarda Putinin ağrılı bədən dili diqqəti çəkib. Güman edilib ki, Putinin belində problemlər ola bilər. Onun bədəninin vizual görüntüləri onunla izah edilib ki, ictimaiyyət qarşısında korset və ya zirehli gödəkcə gəzdirə bilərdi.
Lakin ekspertlər hələlik bu fikirdədir ki, Putinin sağlamlıq vəziyyəti barədə məlumatlar kifayət qədər deyil. Amerikanın üç hərbi və kəşfiyyat eksperti "Business İnsider" nəşrinə bəyan edib ki, belə şayiələr etimad doğurmur.
İstefada olan briqada generalı, Rusiyada müdafiə məsələləri üzrə sabiq attaşe Kevin Rayanın sözlərinə görə, ardıcıl şayiələr Putinin təbqidçilərinin arzu etdiklərini gerçəklik kimi qəbul etməyin əlaməti ola bilər. Onlar hesab edir ki, Putinin ölümü hansısa üsulla Ukraynada müharbəyə son qoya bilər.
Rayan deyib ki, Putinin ölümə yaxın olması və ya hansısa ciddi xəstəlikdən əziyyət çəkməsinin heç bir sübutunu görməyib və vurğulayıb ki, hətta o, ölsə belə, bu, heç də atəşin dayandırılmasına və ya Ukraynada hərbi əməliyyatların sona yetməsinə kömək etməyəcək.
Bu arada isə oktyabr ayında Putinin 70 yaşı tamam olur, qocaldıqca onun sağlamlığına diqqət, ehtimal ki, yalnız güclənəcək.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş