İyul ayında gözlənilən MAQNİT QASIRĞALARI - PROQNOZ

2022-ci ilin iyul ayı üçün maqnit qasırğaları ilə bağlı proqnoz açıqlanıb.

Sonxeber.az-ın Lent.az-a istinadla məlumatına görə, maqnitosferin pozulacağı üç dövr gözlənilir və buna görə də hava şəraitindən asılı olan insanlar hazırlaşmalı və iyul ayı üçün maqnit qasırğaları təqvimi ilə tanış olmalıdırlar.

Günəş astronomiya laboratoriyası mütəxəssislərinin açıqladığı proqnoza görə, iyulun 25-dək maqnitosferin pozulacağı, meteoroloji şəraitdən asılı insanlar üçün üç çətin dövr gözlənilir.

İyulun ilk ongünlüyündə geomaqnit vəziyyət kifayət qədər sakit olacaq - 1-2 bal səviyyəsində. Belə fon dəyərləri, ümumiyyətlə, insanın rifahına mənfi təsir göstərmir.

Artıq iyulun 8-dən günəş aktivliyi artmağa başlayacaq. Geomaqnit dalğalanmalarının amplitudası ayın 10-da 4 bala çatacaq, sonra iyulun 11-i axşam saatlarında 3 bala düşəcək.

Ən güclü maqnit qasırğasının ayın ortalarında olacağı gözlənilir. İyulun 13-də başlayacaq və yalnız iyulun 16-da axşam başa çatacaq. Gücü 4 bala çatacaq. Bu göstərici artıq təhlükəli sayılır, zəiflik və apatiyaya, başgicəllənməyə, təzyiq artımlarına, miqrenlərə səbəb ola bilər.

Bundan əlavə, iyulun ikinci ongünlüyünün sonuna qədər maqnitosfer sakit olacaq, lakin 3 bal göstəricisi ilə bəzi insanlar rifah halında bir qədər pisləşmə hiss edə bilərlər.

İyulun üçüncü ongünlüyünün əvvəlində 4 bal gücündə ayın sonuncu maqnit qasırğası olacaq. O, iki gün - iyulun 22 və 23-də davam edəcək.

Telegramda izləyin