Sumqayıtda qadını təpiklə avtobusdan itələyən sürücü işə geri qaytarılacaq?-AÇIQLAMA

Ötən gün Sumqayıt şəhərində 12 saylı sərnişin avtobusunda sürücü və sərnişin arasında münaqişə baş verib. Yayılan görüntülərə əsasən dayanacaqdan kənarda düşmək istəyən sərnişin xidmət başında olan sürücünü təhqir edərək, ona əl çantası ilə xəsarət yetirib.

Sonxeber.az saytı məsələ ilə bağlı "Sumqayıt Nəqliyyat" MMC ilə əlaqə saxlayıb.

Bildirilib ki, sürücü işdən kənarlaşdırılıb, araşdırmalar davam etdirilir. Əgər sürücünün günahkar olmadığı sübut olunarsa, o işinə geri qaytarılacaq.

Mövzuya psixoloq Edison Quliyev də rəy bildirib. O qeyd edib ki, xidmət sahəsində kütlə ilə işləyən insanlar xüsusilə yoxlanılmalıdır.

"İşçinin psixoloji durumu, aqressivliyinə meyilli olub-olmamasına diqqət edilməlidir. Çox təəssüf hazırda müəyyən təcrübəsi olan şəxslər psixoloji sınaq olmadan əmək müqaviləsini davam etdirir. Sürücü işə götürülərkən psixoloqun iştirakı ilə onunla praktiki söhbətlər aparılmalıdır, ünsiyyət mədəniyyəti ilə əlaqədar məsləhətlər verilməlidir. Bütün peşələrdə belə yoxlamalar olmalıdır".
AYSEL QULİYEVA

Telegramda izləyin