Ürəyi üç saat dayanan alpinist sağ qalıb

İngiltərə sakini Tommi Prays ürəyi üç saat dayanmasına rəğmən sağ qalıb.

Sonxeber.az xəbər verir ki, bu barədə "Daily Star" nəşri yazıb.

Hadisə 27 yaşlı ingilisin öz dostu ilə dağlara qalxması zamanı baş verib.

Artıq yüksəkliyə qalxmağa başlayanda o, özünü pis hiss edib.

Bir neçə müddətdən sonra Tomminin bədən hərarəti soyuqlamadan kəskin surətdə aşağı düşüb və onun ürəyi dayanıb.

"Mən heç nə xatırlamıram. O yadımdadır ki, ayağa qalxmaq istəyərkən yıxılmışam. Çovğun idi, ona görə də mən heç nə görmürdüm", - Prays danışıb.

Xilasedicilər bir saat ərzində Praysa yetişib. Kişini yerindəcə reanimasiya etmək cəhdləri uğursuz olub, bundan sonra o, helikopterlə xəstəxanaya çatdırılıb.

Nəşrin məlumatına görə, klinikaya çatdırılan zaman alpinistin bədən hərarəti 18 dərəcə olub.

Həkimlər alpinistin üç saat dayanan ürəyini işə salmağa müvəffəq olub. Sonra Prays beş günlük komaya düşüb.

"Mənim bəxtim gətirib ki, sağ qalmışam. Mənim ürəyim üç saat dayanıb. Həkim deyib ki, mənim şansım çox azdır", - ingilis belə deyib.

Telegramda izləyin