"Avropanın 2 çıxış yolu var: Moskva bundan sonra da hücum etməkdə davam edəcək..."

"Rusiya istənilən coğrafi, siyasi və ya iqtisadi "boz zona"ya özünün antidemokratik, antihüquqi və antiAvropa imkanları məkanı kimi baxır"
Zelenski hesab edir ki, Ukrayna NATO-ya daxil olmadan da təhlükəsizlik zəmanətləri ala bilər

Rusiya Avropanı "çoxillik təhlükəsizlik qıtlığı" ilə təmin edir və kollektiv təhlükəsizlik zəmanətləri olmayan ölkələrdə bundan sonra da münaqişələr planlaşdıracaq.

Moderator.az xəbər verir ki, bu barədə Ukrayna ptezidenti Vladimir Zelenski "The Economist " nəşrinin təşkil etdiyi 26-cı illik dəyirmi masada çıxış edərkən bəyan edib.
Çıxışın mətni prezident Ofisinin saytında dərc edilib.

Onun sözlərinə görə, Rusiya rəhbərliyi istənilən coğrafi, siyasi və ya iqtisadi "boz zona"ya özünün antidemokratik, antihüquqi və antiAvropa imkanları məkanı kimi baxır.

Faktiki olaraq Avropanın bir hissəsinin təhlükəsizliyi Budapeşt memorandumu kimi vədlərə və ya Rusiya rəhbərliyi tərəfindən Ukraynaya hücum olmayacaq kimi səsləndirilən iddialara əsaslanıb.

Avropa üçün bu gün iki əsas çıxış yolu var, bunlar ümumi müharibə fonunda daha çox birləşmək və qitənin bütün ölkələri üçün təhlükəsizlik zəmanətlərini təmin etmək.

"Məsələn, Avropanın enerji bazarında baş verənlərə müharibə kimi baxmaq lazımdır. Rusiya özünün qaz oyunları ilə inflyasiyanın güclənməsi və Avropanın bu qışda tarixdə ən böyük böhran yaşaması üçün hər şey edir. Lakin, eyni zamanda, biz görürük ki, yunan şirkətləri Rusiya neftinin daşınması üçün az qala ən iri tanker donanmasını təmin edir. Əminəm ki, bu, nə Avropanın, nə Yunanıstanın, nə də Ukraynanın mənafelərinə uyğundur", - Zelenski qeyd edib.

O, hesab edir ki, Moskva bundan sonra da demokratik dünyanı aldatmağa ümid edərək, müdafiə olunmayanlara hücum etməkdə davam edəcək.

"Biz hazırda görürük ki, Rusiya İsveç və Finlandiyanın NATO-ya birləşməklə bağlı yaranmış vəziyyətlə barışıb. Moskva deyir ki, qoy daxil olsunlar, hərçənd, bu yaxınlaradək Rusiya 1997-ci il sərhədlərinə qayıtmaqdan danışıb. Bu o deməkdir ki, kollektiv zəmanətlər öz işini görməkdədir. Bəli, Ukrayna NATO-nun üzvü deyil, amma bu, bizim üçün dayanmağa əsas vermir. Bizim elə bir təhlükəsizlik zəmanətləri sisteminə, elə bir təhkükəsizlik məkanına ehtiyacımız var ki, hətta alyansa üzv olmasaq belə, təsirli olsun", - prezident əlavə edib.

Telegramda izləyin