Müxalifət erməni prezidenti "xiyar" adlandırdı

İyulun 5-də Ermənistan müxalifətinin "Müqavimət hərəkatı"nın tərəfdarları Konstitusiya Məhkəməsinin binasına yürüş ediblər.

Modern.az Ermənistan KİV-nə istinadən xəbər verir ki, etirazçılar Prezident iqamətgahına doğru da yürüyüblər.

"Prezident Konstitusiyanın təminatçısıdır. Amma bu gün o, heç bir iş görməyən, bir nəfərin əmrini yerinə yetirən və bostan bitkilərinin nümayəndəsidir. Bu prezident öz davranışı ilə sübut edir ki, xiyardan heç nə ilə fərqlənmir. Bu, sonuncunun şəxsiyyətinə deyil, davranışına və fəaliyyətinə verilən qiymətdir", - deyə aksiya iştirakçıları bildiriblər.

Bu sözlərdən sonra etirazçılar Prezident iqamətgahına xiyar atmağa başlayıb və Ermənistan parlamentinin binasına doğru hərəkət ediblər.

Xatırladaq ki, iyulun 5-də Ermənistanda Konstitusiya Günü qeyd olunur.

Telegramda izləyin