"Sən qəhrəmansan" - Boris Consondan Zelenskiyə

Tutduğu vəzifədən istefa verən İngiltərə baş naziri Boris Conson Ukrayna prezidenti Vladimir Zelenski ilə telefonla danışıb. İngiltərə Baş nazirliyindən verilən yazılı açıqlamada Consonun görüşdə İngiltərənin Ukraynaya sarsılmaz dəstəyini vurğuladığı bildirilib.
Sonxeber.az xəbər verir ki, Consonun Zelenskiyə Böyük Britaniyanın Ukraynaya ehtiyac olduğu müddətcə müdafiə yardımı verməyə davam edəcəyini deyib.
Baş nazir əlavə edib ki, yaxın həftələrdə taxıl blokadasına son qoymaq üçün tərəfdaşlarla eyni tempdə işləməyə davam edəcək. O Zelenskiyə Ukrayna xalqının azadlığı, dostluğu və xeyirxahlığı naminə etdiyi hər şeyə görə Zelenskiyə təşəkkür edib.
Açıqlamada Zelenskinin Consona Ukrayna ilə bağlı qətiyyətli addımına görə təşəkkür etdiyi qeyd olunub. Consonun görüşün sonunda Zelenskiyə "Sən qəhrəmansan, hamı səni sevir" dediyi bildirilir.

Şəbnəm Lətifi

Telegramda izləyin