Bıçaqlanan tamadanın xəstəxanadan videosu yayıldı

Toyda bıçaqlanması ilə gündəmə gələn tamada Natiq Dağlaroğlunun hazırda müalicə aldığı xəstəxanadan videosu yayılıb.

Axşam.az xəbər verir ki, musiqiçi görüntüləri özü paylaşıb. O, səhhətindən və hadisədən bəhs edib:

"Videonu çəkməyə məcbur oldum. Şayiələr yayıldı ki, Natiq Dağlaroğlunu toyda bıçaqladılar. Toyda yox, toydan kənarda bıçaqlandım. Başıma gözlənilməyən hadisə gəldi. Hər kəs bilsin ki, yenidən həyata qayıtdım".

Qeyd edək ki, N.Dağlaroğlu iyulun 2-də gecə saatlarında "Altun" sarayda toyda bıçaqlanıb. O, 3 saylı Şəhər Klinik Xəstəxanasına çatdırılıb.

Oğlu Məhəmməd açıqlamasında bildirib ki, mübahisə zamanı o da əlindən bıçaq zərbəsi alıb.

Telegramda izləyin