Deputatdan Səfər Mehdiyevlə bağlı açıqlama: "Xoşagəlməz hal baş verərsə, hər kəs cəzasını alacaq"

"Dövlət Gömrük Komitəsinin sədri Səfər Mehdiyevin Prezident İlham Əliyevin Sərəncamı ilə vəzifəsindən azad edildiyi barədə məlumatı yeni eşitdik. Hər hansı bir qurumda bütün işlərə nəzarət, işin qurulmasının məsuliyyəti, əlbəttə ki, bir nəfərin üzərindədir. Komitədə nələr baş verdiyini, yəqin, hüquq-mühafizə orqanları, aidiyyəti qurumlar araşdıracaqlar. Təkrarən hər hansı bir xoşagəlməz hal baş verərsə, qanun çərçivəsində hər kəs cəzasını almalıdır. Buna uyğun tədbir görülməlidir, başqa cür mümkün deyil. Hər kəs gördüyü işin məsuliyyətinə görə cavab verməlidir"

Bu sözləri Pravda.az-a açıqlamasında Milli Məclisin deputatı Aqil Məmmədov deyib.

Deputat bildirib ki, son vaxtlar cənab Prezident bütün sahələrdə islahatlar aparır: "Müasir tələblərə cavab verə bilməsi üçün bütün sahələrdə yeniliklər, dəyişikliklər edilir. Ola bilsin ki, Dövlət Gömrük Komitəsi barədə də nəsə düşünülür. Gələcəkdə nə olacaq, bununla bağlı heç nə deyə bilmərəm. Görünür, bu günün tələblərinə cavab verməyən qurumlar ya kadr sarıdan dəyişdirilməlidir, ya da struktur dəyişikliyi edilməlidir".

Telegramda izləyin