İranda daşqınlar nəticəsində 20 nəfər ölüb

İranın cənubundakı Fars əyalətində baş verən seldə 20 nəfərin öldüyü, 3 nəfərin isə itkin düşdüyü açıqlanıb.
Sonxeber.az İranın rəsmi agentliyi İRNA-ya istinadən xəbər verir ki, Fars vilayətinin Böhran İdarəetmə meneceri Xəlil Abdullahi güclü yağışdan sonra baş verən sel fəlakəti ilə bağlı açıqlama verib.

Abdullahi qeyd edib ki, Fars əyalətinin Estehban və Darab şəhərləri ətrafında baş verən daşqınlarda 23 nəfərdən 20-si həyatını itirib, 3 nəfər itkin düşüb, 15 avtomobil isə suda batıb.

Rudbal çayı nəticəsində suda qalan 55 nəfərin xilas edildiyini bildirən Abdullahi itkin düşən 3 nəfərin axtarış-xilasetmə işlərinin davam etdiyini sözlərinə əlavə edib.

Fars Dövlət Qızıl Aypara Cəmiyyətinin sədri Hüseyn Dərvişi 22 qrup və 125 nəfərlə Estehbanda axtarış işlərinin davam etdiyini, 74 nəfərin isə xilas edildiyini açıqlayıb.O, 51 ev təsərrüfatının şiddətli yağışın yaratdığı seldən zərər çəkdiyini və yardımların daşqından zərər çəkənlərə çatdırılacağını bildirib.

Şəbnəm Lətifi

Telegramda izləyin