"Mənim vaxtımda ABŞ-a hörmət edirdilər" - Tramp

ABŞ-ın keçmiş prezidenti Donald Tramp prezidentlik müddəti bitdikdən sonra ilk dəfə gəldiyi Vaşinqtonda keçirilən konfransda inflyasiya və enerji qiymətlərini nəzərdə tutaraq ABŞ-ın sözün əsl mənasında diz çökdüyünü bildirib.
Donald Tramp prezidentlik müddəti bitdikdən sonra təxminən 2 il sonra ilk dəfə paytaxt Vaşinqtona gəlib.

Sonxeber.az xəbər verir ki, Ağ Evdəki bəzi keçmiş müşavirlərin təşkil etdiyi America First Agenda Summitində iştirak edən Tramp sammitin açılış nitqi ilə çıxış edib.

Administrasiyasının gördüyü işlərə toxunan Tramp, prezidentliyi dövründə ABŞ-ın inkişaf edən iqtisadiyyata, ən güclü və təhlükəsiz cənub sərhədinə, enerji suverenliyinə, aşağı benzin qiymətlərinə malik olduğunu bildirib.

Tramp demokratik idarəçilik altında olan şəhər və əyalətlərdə cinayətkarların hökm sürdüyünü iddia edərək ABŞ şəhərlərini "əsl döyüş bölgələri" adlandırıb.

Küçədəki zorakılıqlara, evsizliyə toxunan Tramp valideynlərinin uşaqlarının məktəbə gedərkən və geri dönərkən güllələnəcəyindən narahat olduqlarını bildirib.

" Mənim vaxtımda ABŞ-a hörmət edirdilər. Amerikanı yenidən böyük etdik. Artıq qanun-qaydaya hörmət yoxdur. İnanırıq ki, hər mənşədən vətəndaş bu xalqın istənilən yerdə, istənilən vaxt, zorakı cinayətlərin qurbanı olmaq fikrindən qorxmadan gəzə bilməlidir" ,- deyə keçmiş prezident əlavə edib.

Telegramda izləyin