Ona "yox" dediyi üçün tələbəni öldürən şəxsi canlı yayımda ASACAQLAR - FOTO-VİDEO

Misirin Əl-Mənsur şəhərində ona ərə getmək istəməyən tələbə yoldaşı Naira Əşrəfi bıçaqlayıb qətlə yetirən 21 yaşlı Məhəmməd Adelə ölüm hökmü oxunub. Məhkəmə qərarına əsasən, qatil canlı yayımda asılaraq edam olunacaq.

BiG.AZ xəbər verir ki, bu barədə "Daily Mail" yazır.

Belə ki, Məhəmməd Adel Nairaya dərsdən sonra digər tələbələrin gözü önündə sinə və boğazından bir neçə dəfə bıçaq zərbəsi endirib. Qız hadisə yerində keçinib.

Məhkəmə ölkənin qanunvericiliyinin dəyişdirilməsini və edamların canlı yayımlanmasını tələb edib. Təşəbbüskarlar hesab edirlər ki, bu, insanları qorxudacaq və gələcəkdə belə cinayətlərin qarşısını almağa yardım edəcək.

Qatilin vəkili Fərid Əl-Dib bildirib ki, Məhəmməd Adel 60 gün ərzində hökmlə bağlı şikayətini bildirə bilər.

Telegramda izləyin