25 yaşlı qadın yatağından yıxılıb öldü - FOTO

Böyük Britaniyanın Ril şəhərindən olan 25 yaşlı Nataşa Simpson gecə yataqdan yıxıldıqdan iki gün sonra xəstəxanada ölüb.

Sonxeber.az BiG.AZ-a istinadən xəbər verir ki, bu barədə "Daily Mail" yazır.

Belə ki, yataqdan yıxıldıqdan sonra Nataşada naməlum mənşəli tutma baş verib. O, helikopterlə Stok-on-Trent şəhərindəki xəstəxanaya aparılıb. Yolda qadında güclü qanaxma başlayıb.

Xəstəxanada həkimlərin qoyduğu diaqnoza əsasən, Simpsonda beyin damarlarının partlaması (anevrizma) baş verib. Həkimlər iki gün onu cihazlara qoşaraq, həyatını xilas etməyə çalışsalar da, mümkün olmayıb. Qadının iki yaşlı qızı Nayla anasız qalıb.

Nataşanın ailəsi onun orqanlarını ehtiyacı olan xəstələrə bağışlamağa razılıq verib.

Onlar dəfn mərasimi üçün pulu internet vasitəsilə toplamalı olublar. Yığılan vəsait, həmçinin, Nataşanın, maddi durumu yaxşı olmayan 59 yaşlı anasına yardım məqsədilə veriləcək, çünki o, hazırda nəvəsi Naylanın yeganə himayədarıdır.

Telegramda izləyin