"Dünyada ən çox qaçqına ev sahibliyi edən Türkiyəyə təşəkkür edirik"- BMT

Birləşmiş Millətlər Təşkilatı dünyada ən çox qaçqının Türkiyədə olduğunu açıqlayıb. Baş katibin humanitar məsələlər üzrə müavini Coys Msuya buna görə Türkiyəyə təşəkkür edib.
Sonxeber.az xəbər verir ki, Birləşmiş Millətlər Təşkilatının (BMT) Baş katibinin müavini Fərhan Haq BMT-nin Baş Qərargahında təşkil edilən mətbuat konfransında bildirib ki, baş katibin humanitar məsələlər üzrə müavini Coys Msuya, Qaziantep və Hatayın da daxil olduğu Türkiyəyə 5 günlük səfərini başa vurub.

Haq deyib ki, Msuya köçkün suriyalı qadınlar, habelə humanitar tərəfdaşlar, BMT əməkdaşları, donorlar və sərhədyanı yardıma reaksiyada iştirak edən Türkiyə hökumət rəsmiləri ilə görüşüb.

"Msuya humanitar yardım səylərini dəstəklədiyi üçün Türkiyə hökumətini alqışlayıb və dünyanın ən böyük qaçqın qəbul edən ölkəsi olan Türkiyəyə 3,7 milyon qaçqına ev sahibliyi etdiyi üçün təşəkkür edib" ,- deyə Fərhad Haq əlavə edib.

Şəbnəm Lətifi

Telegramda izləyin