"Müharibədə həlak olan şəxsin valideynini təhqir etməyə, söyməyə, hətta vurmağa cürət etdilər" - Melkonyan

"İllər əvvəl Ermənistanın keçmiş baş naziri Tiqran Sarkisyan "Dövlətin sonu" adlı elmi-analitik məqalə dərc etmişdi".
Sonxeber.az xəbər verir ki, bunu erməni tarix elmləri doktoru, professor Ruben Melkonyan bildirib.

"Yadımdadır ki, başlıq tək məndə bədbin emosiyalar yaratdı, lakin başlığın həm də fatalist dərinliyi olduğunu və 2020-ci illərdə Ermənistanı təsvir edəcəyini düşünmək çətin idi. Dövlətin sonu o halda proqnozlaşdırıla və ya sənədləşdirilə bilər ki, bu ölkənin dünya proseslərindəki statusu və faktoru sıfıra ensin, ölkə daxilində siyasət və mənəviyyat da dayansın. İrəvanda radiostansiyanı zəbt edənlərin Şuşanı "azad edənləri" (işğal edənləri-red.) açıq-aşkar təhqir etməsi, tənqid etməsi, ələ salması, sonuncuların isə müxtəlif səbəblərdən təhqir və tənqidlərə adekvat cavab verə bilməməsi və ya istəməməsi ilə Ermənistanda siyasət başa çatıb. İndiki Ermənistanda mənəviyyat o anda başa çatdı ki, hansısa fırıldaqçı və ya fırıldaqçılar Qarabağ müharibəsinin əlil iştirakçısını və ya həmin müharibədə həlak olan şəxsin valideynini təhqir etməyə, söyməyə, hətta vurmağa cürət etdilər", - deyə o qeyd edib./Ordu

Telegramda izləyin