"Toyota" şirkəti əfsanəvi "Corolla" modelinin yenilənmiş versiyasını elan edir

• "Toyota" 2023-cü il üçün "Corolla" seriyasında üslub, texnologiya, performans və sürüş cazibəsini gücləndirir;

• Yeni eksteryer xüsusiyyətləri, rəngləri ilə yenilənmiş dizayn və uyğunlaşdırılmış interyer bəzək, üzlük və bitirişlər;

• Daha çox güc, daha çox sürücülük təcrübəsi və performans təmin edən yeni beşinci nəsil "Toyota" hibrid elektrik texnologiyası;

• Təkmilləşdirilmiş rəqəmsal istifadəçi təcrübəsi;

• Fərdiləşdirilən 12,3 düyümlük kombimetr;

• Yeni tam ölçülü 10,5 düyümlük multimedia ekranı;

• "Corolla GR SPORT" daha eksklüziv dizayn xüsusiyyətlərinə sahibdir.

HƏR KƏS ÜÇÜN "Corolla"

Çox az avtomobil uğura çatmaq üçün dünya miqyasında ən çox ad lövhəsinə sahib "Toyota Corolla"dan daha yaxşı bir təmələ sahib ola bilər.

Yarım əsrdən artıqdır ki, mövcud olmasına baxmayaraq, "Corolla" həmişə sürücülərin ehtiyac və seçimlərindəki dəyişikliklərlə ayaqlaşır. Ancaq bu yolla, 1966-cı ildən bəri 12 nəsildə 50 milyondan çox satış rekordu əldə edib.

"Corolla" modeli Azərbaycanda da daim sürücülər tərəfindən rəğbət bəslənən, tələb olunan və yüksək satış rəqəmlərinə çatmış bir modeldir.

Zamana uyğunlaşmaq qabiliyyəti bu gün yeni "Corolla"nın elanı ilə də özünü göstərir. Gözdən qaçmayan eksteryer və interyer yeniləmələri 12-ci nəsil "Corolla" dizaynının təkamülü ilə birlikdə, güc aqreqatı və elektronikada daha əhəmiyyətli dəyişikliklər edilib.

Yeni üslub, beşinci nəsil hibrid elektrik texnologiyasının tətbiqi, hərtərəfli təkmilləşdirilmiş rəqəmsal istifadəçi təcrübəsi və geniş çeşidli "Toyota T-Mate" təhlükəsizlik və dəstək xüsusiyyətləri ilə Yeni "Corolla", "Toyota"nın Azərbaycanda və Avropada əsas modeli rolunu gücləndirmək üçün təchiz edilmişdir.

Davamlı cəlbediciliyi yüksək bazar payına nail olmasında və "Toyota"nın Avropada ən çox satılan ikinci modeli olmasında əks olunur.

İlin ikinci yarısında ailəyə həm də "Corolla Cross SUV" qoşulacaq. Bu seçim genişliyi Avropanın müxtəlif bazarlarında hər biri eyni yüksək səviyyəli keyfiyyətli dizayn və texnologiyadan faydalanan ən yaxşı stil seçimlərini təmin edir.

"Corolla" həm də öz seqmentində tam hibrid elektrik enerjisi, yanacaq səmərəliliyini təmin edən texnologiya və müştərilər üçün sürətlə artan prioritetlərdən olan sıfır emissiyalı sürmə xüsusiyyəti ilə yeganə model çeşidi olmaqla rəqabət üstünlüyünü qoruyur.

YEPYENİ DİZAYN

"Corolla"nın öz görünüşü və cəlbediciliyi var. Ön barmaqlığın torlu naxışlarına, duman əleyhinə işıqların çərçivələrinə və yüngül lehimli disk dizaynlarına edilən dəyişikliklərlə yeni seriya daha incə və müasir görünüş qazanır.

Xarici rəng seçimlərinə memarlıq, məhsul dizaynı və dəbdə olan mövcud tendensiyalardan ilhamlanan iki yeni rəng daxildir. Sedan üçün düzgün bucaqdan baxdıqda xüsusi kölgə effektini ortaya qoyan eleqant bitirişi əks etdirən yeni yaşıl "Midnight Teal" rəngi mövcuddur. Bütün gövdə tipləri üçün əlçatan olan boz "Metallic Grey", cazibəsini boyadakı tünd gümüşü pulcuqlarla artıran geniş cazibədarlığı ilə köhnəlməz bir kölgədir.

İnteryerdə atmosfer yeni qrafika, bəzəklər və relyefli naxışlarla daha müasir və premiumdur.

Bunlar üzlüklərə, səthlərə və bitirişlərə üçölçülü dərinlik əlavə edir və insanı toxunmağa cəlb edir. Bəzək və oturacaqların üzlük kombinasiyaları yeni "Qaranlıq və İşıq Harmoniyası" tematikalarını izləyir və uyğunlaşdırılmış rəng və bitirişlər ilə salona müasirlik və eleqantlıq qazandırır.

BEŞİNCİ NƏSİL "Toyota" HİBRİD ELEKTRİK TEXNOLOGİYASI

Yeni "Corolla", "Toyota"nın dünyada liderlik edən özü enerji yığan tam hibrid elektrik sisteminin beşinci nəslinə malikdir.

Mövcud modeldə olduğu kimi, 1,8 litrlik hibrid sistemlər əlavə güc, təkmilləşdirilmiş performans və sürmə qabiliyyəti ilə yanaşı eyni və ya aşağı CO2 emissiyası ilə sürücülük təcrübəsini artıran mühərrik və elektrik mühərrikində əhəmiyyətli dəyişikliklərdən faydalana bilir. Gücə nəzarət bölümü (PCU) və ötürmə qutusu güc aqreqatı yenidən işlənib eləcə də artıq litium-ion batareyası daha güclü, lakin daha kiçik və yüngüldür (güc aqreqatından asılı olaraq kütlə 18 kq-a qədər azaldılıb).

1,8 litrlik hibrid mühərrikin artıq ümumi gücü 140 DIN at gücünə bərabərdir ki, bu da 0-100 km/saat sürətini 1,7 saniyəlik azalma ilə 9,2 saniyəyə salır. Bu performans artımına baxmayaraq, CO2 emissiyası dəyişməyərək 102 q/km olacağı gözlənilir.

TƏKMİLLƏŞDİRİLMİŞ SÜRÜŞ VƏ SÜRƏTLƏNMƏ HİSSİ

Sürücüyə təbii və mükafatlandırıcı hislər yaşadan akselerasiyanı çatdırmaq üçün əlavə addımlar atıldı. Əvvəllər diqqət, xətti akselerasiya üzərində idi. İndi isə hibrid idarəetmənin yenidən nizamlanması sürücünün niyyətini, müvafiq G-hissi (G-sensation) və intuisiyasını ortaya çıxaran qaz pedalının həssaslığını daha yaxından əks etdirən akselerasiya ortaya çıxarılıb. Bu proses, akselerasiya zamanı mühərrik sürətinin azalması ilə əldə edilmişdir. Akselerasiya zamanı güc aqreqatının səs-küyü də sakitləşdirilib.

SÜRÜCÜLÜK TƏCRÜBƏSİ

Yeni "Corolla" daha yaxşı istifadəçi təcrübəsi və gələcək üçün nəzərdə tutulmuş "Toyota"nın ən son rəqəmsal və multimedia xüsusiyyətlərindən faydalanır. Beləliklə, yeni funksiyalar və təkmilləşdirmələr kəsintisiz, simsiz şəkildə yeniləmələr ilə təqdim edilir.

Böyüdülmüş, 10,5 düyümlük multimedia displeyi yüksək keyfiyyətdə görüntü təqdim edir, parıltıya qarşı ekrana malikdir və bütün işıqlandırma şəraitində əla görüntünü təmin edir. Orta komplektasiyadan başlayaraq sürücü alət displeyi də sürücünün seçiminə görə dörd müxtəlif rejimdə fərdiləşdirilən yeni 12,3 düyümlük kombimetr ilə transformasiya edildi: "Casual", "Smart", "Sport" və "Tough".

TƏKMİLLƏŞDİRİLMİŞ TƏHLÜKƏSİZLİK VƏ SÜRÜCÜ DƏSTƏK

Yeni "Corolla", ən son nəsil "Toyota Safety Sense" paketini digər aktiv sürücülük və parkinq yardım sistemləri ilə birləşdirən "Toyota T-Mate" ilə təchiz edilib ki, bu da avtomobili idarə etməyi asan və təhlükəsiz etməklə yanaşı, həm də avtomobildəki bütün sərnişinləri və yoldakı digər səyahət edənləri qorumağa kömək edir.

Sistemlərin işləməsi və funksionallığındakı təkmilləşdirmələr arasında, aşağı sürətlə səyahət edərkən qaz pedalının ani istifadəsinə reaksiya verən Akselerasiya Önləyici; kəsişmələrdə dönmə zamanı toqquşmadan yayınma dəstəyi; qarşıdan gələn avtomobillərə reaksiya verən Təcili Sükan Dəstəyi; yandan baş verəcək toqquşmaların qarşısının alınması və döngəli yolda sürətin azaldılması daxildir.

"Toyota T-Mate" xüsusiyyətlərinə Təhlükəsiz Çıxış Dəstək sistemi daxildir. Bu, arxadan yaxınlaşan bir avtomobilin və ya velosipedçinin yoluna qapının açıldığını aşkar edərsə, xəbərdarlığı işə salır. Həmçinin, avtomobili tərk etməzdən əvvəl sürücüyə arxa oturacaqlarda nəsə unudub-unutmadığı barədə xəbərdarlıq edən yeni "Arxa Oturacaq Xatırlatma" (Rear Seat Reminder) xüsusiyyəti mövcuddur.

"COROLLA GR SPORT"

2020-ci ildə təqdim olunduğu gündən "GR SPORT" sinfi, "Corolla" üçün daha idman profilli avtomobil təqdim etməkdə və onun cəlbediciliyini artırmaqda, xüsusən də "Toyota" brendinə yeni müştərilərin cəlb edilməsində çox uğurlu olduğunu sübut edib. "GR SPORT" bu günə qədər 20 000-dən çox satılıb.

"TOYOTA GAZOO RACING"dən ilhamlanan "GR SPORT" unikal eksteryer və interyer dizayn elementləri ilə "Corolla"nın kəskin, dinamik üslubunu vurğulayan daha güclü görünüşə malikdir.

"GR Sport" sinfi artıq 17 düyümlük yüngül lehimli disklərə, GR loqolu işəsalma düyməsinə və yenilənmiş dizayna malikdir.

Yeni "Corolla" seriyası 2023-cü ildə Azərbaycanda satışa çıxarılacaq.

Qeyd: Bütün məlumatlar ilkindir və rəsmi dəyişikliyə məruz qala bilər.

Telegramda izləyin