Laçındakı ermənilərdən yeni XƏBƏR VAR

"Laçından çıxan ermənilərin hansı istiqamətə gedəcəyi hələ dəqiq deyil. Hökumət hələ də onlarla bağlı qərar qəbul etməyib. Onların Ermənistana köçürüləcəyi bəlli deyil".

Redaktor.az xəbər verir ki, bu barədə Laçın şəhərində yaşayan ermənilərin icma rəhbəri Narek Aleksanyan bildirib.

Laçın şəhəri və Zabux kəndində evlərin yandırılmasından söz açan Aleksanyan vurğulayıb ki, təhlükəsizlik problemləri var və sakinlərin evləri yandırmamasına üstünlük verilir.

"Evləri yandırsaq, bizə pul verməyəcəklər. Biz eyni zamanda mədəniyyət abidələrini də şəhərdən aparırıq. Artıq kilsənin üzərindəki xaçları götürmüşük".

Xatırladaq ki, Laçında qanunsuz məskunlaşmış ermənilərə Azərbaycan ərazilərini tərk etmələri üçün avqustun 25-dək vaxt verilib.

Telegramda izləyin