Putin rus ordusunun əsgərlərinin sayını artırır

Rusiya prezidenti Vladimir Putin 2023-cü ilin əvvəlinə qədər Rusiya ordusundakı əsgərlərin sayının 137 min nəfər artırılması haqqında qərar imzalayıb.
Sonxeber.az xəbər verir ki, "Russia Legal Information" internet portalında dərc olunan qərara görə, Putin həmçinin Rusiya Federasiyası Silahlı Qüvvələrinin şəxsi heyətinin 1 milyon 150 min 628-i əsgər olmaqla 2 milyon 39 min 758 nəfər təşkil edilməsini əmr edib. . 2017-ci il noyabrın 17-də qəbul edilən əvvəlki qərarda 2018-ci ilin əvvəlinə qədər 1 milyon 13 min 628-i əsgər olmaqla, ümumilikdə 1 milyon 902 min 758 şəxsi heyət yaradılması əmri verilmişdi.
Rusiya müharibənin ilk həftələrində 1351 əsgərinin öldürüldüyünü bildirsə də, sonradan ümumilikdə nə qədər itki verdiyini açıqlamayıb. Qərb təxminlərinə görə, faktiki sayı bundan ən azı 10 dəfə çox ola bilər, Ukrayna mənbələri isə ən azı 45.000 rus əsgərinin öldüyünü və ya yaralandığını bildirir.
Qeyd edək ki, Ukrayna silahlı qüvvələrinin rəhbəri 9 minə yaxın heyətin öldürüldüyü barədə məlumat verilib.

Şəbnəm Lətifi

Telegramda izləyin

instagramda izləyin