"ABŞ və Fransanın Şuşa səfərində olmaması onların ikili standartlarının əyani təzahürüdür"- Cavid Osmanov

Şuşada baş tutan tədbirdə ölkəmizdəki səfirliklərin nümayəndələri iştirak ediblər. Lakin ABŞ və Fransa səfirləri bu dəfə də Şuşaya səfər etməyiblər.
Bununla bağlı Sonxeber.az-a açıqlama verən Milli Məclisin deputatı Cavid Osmanov bildirib ki, ABŞ və Fransa nümayəndələrinin Şuşaya səfər etməməsi Azərbaycan və Ermənistan münasibətlərinin normallaşması istiqamətində atılan addıma çox böyük zərbə vurur:
"Şuşa növbəti dəfə mötəbər və beynəlxalq tədbirə ev sahibliyi edib. Bu dəfə 60-dan çox ölkənin ölkəmizdə fəaliyyət göstərən səfirləri və beynəlxalq təşkilatlardan nümayəndələr işğaldan azad olunmuş ərazilərdə, o cümlədən, Şuşada yenidənqurma və bərpa işləri ilə tanış olublar. Əlbəttə ki, Azərbaycan tərəfdən ardıcıl şəkildə bir daha həm işğaldan azad olan ərazilərdə ermənilərin törətdiyi böyük vandalizm aktları dünya ictimaiyyətinə çatdırılır. ABŞ və Fransanın Şuşa səfərində olmaması bir daha onların qeyri-konstruktiv baxışının, ikili standartlarının əyani təzahürüdür. Çox təəssüf ki, ABŞ və Fransa nümayəndələrinin Şuşaya səfər etməməsi Azərbaycan və Ermənistan münasibətlərinin normallaşması istiqamətində atılan addıma çox böyük zərbə vurur. ABŞ və Fransa bir daha riyakarlığını nümayiş etdirdi".

Şəbnəm Lətifi

Telegramda izləyin