"Açıq mikrofon" aksiyasında sahibkarlıqla məşğul olan abonentlərin də müraciəti dinlənildi (FOTOLAR)

"Artıq bir ildən çoxdur ki, bölgələrdə keçirilən "Açıq mikrofon" aksiyasında abonentlərin müraciətləri dinlənilir. SOCAR "Azəriqaz" İstehsalat Birliyi olaraq sakinlərin üzləşdiyi problemlərin həlli istiqamətində müəyyən işlər həyata keçirilir."

Sonxeber.az "Azəriqaz"a istinadən xəbər verir ki, bu sözləri Salyan Regional qaz istismarı İdarəsinin baş mühəndisi Ramin Səfərov bildirib.

Şirvanda keçirilən "Səyyar qəbul otağı"nda çıxışı zamanı qurum rəsmisi ünvanlanan müraciətlərin aidiyyəti üzrə yönləndiriləcəyini qeyd edib. Aksiyada ilk olaraq sahibkarlıq fəaliyyəti ilə məşğul olan sakinlər müraciətlə çıxış ediblər. 10-a yaxın sahibkar istixanalarda standartlara uyğun olmayan qaz cihazlarının istifadəsinə icazə verilməsini xahiş ediblər.

Sakinlərdən 5 nəfərin-Elman Dadaşov, Səriyyə Rəhimova, Şamil Valehov, Nəbi Kərimov və Mizəxan Səlimovun müraciətləri eyni xarakterli olub. Adları çəkilən abonentlər mənzillərində sonradan ödənişli (mexaniki tipli) qaz sayğacının öncədən ödənişli (smart-kart tipli) qaz sayğacı ilə əvəz edilməsini istəyiblər.

Hər bir müraciət Salyan Regional qaz istismarı İdarəsinin rəhbər şəxsləri tərəfindən cavablandırılıb. Bəzi müraciətlərin yerindəcə baxılmasına dair tapşırıqlar verilib.

Telegramda izləyin