Müəllimlərin işə qəbulu üzrə vakansiya seçiminə start verilir

Müəllimlrin işə qəbulu üzrə müddətli müqavilə ilə növbəti vakansiya seçiminə start verilir.

Sonxeber.az xəbər verir ki, bu barədə Elm və Təhsil Nazirliyi məlumat yayıb.

16 sentyabr saat 11:00-dan etibarən ümumi təhsil müəssisələrinə müddətli müqavilə ilə müəllimlərin işə qəbulu üzrə müsabiqənin növbəti vakansiya seçimlərinə start verilir. Vakansiya seçimi 19 sentyabr saat 11:00-dək davam edəcək.

Müddətli müqavilə ilə işə qəbul üçün vakansiya seçimi zamanı namizədlər 4 vakant yer seçə bilərlər.

Namizədlər yuxarıda qeyd olunan tarixədək şəxsi səhifələrinə daxil olaraq vakant yer seçməli və elektron ərizələrini təsdiq etməlidirlər.

Qeyd edək ki, vakansiya seçimlərində müsabiqənin test imtahanı mərhələsində 40 və daha yüksək bal toplamış namizədlər iştirak edə bilərlər.
Şəbnəm Lətifi

Telegramda izləyin