Vətəndaş fırıldaqçılıqda ittiham olunan şirkət rəhbərinə belə CAVAB VERDİ - VİDEO

Özünü "Günəşli İnşaat" tikinti şirkətinin rəhbəri kimi qələmə verən Məmmədov Firutan Ələsgər oğlunun qanunsuz əməlləri ilə bağlı məsələ gedikcə böyüyür. Daha öncə xəbər verdiyimiz kimi, Rəhimli Gülüzar Həsənağa qızı redaksiyamıza müraciət edərək sözügedən şirkət rəhbəri tərəfindən aldadıldığını söyləyib. O, iddia edir ki, F. Məmmədov başqa torpağı göstərərək ona qamışlıq ərazisini satıb. Bundan əlavə, 6 ay öncə ondan aldığı ikinci torpağı həmin şəxs sənədləşdirməkdən imtina edir.

Şirkət rəhbəri deyilənləri təkzib etsə də, Sonxeber.az-a açıqlama verən Gülüzar Rəhimli Firutan Məmmədovun söylədiklərinin yalan olduğunu bildirib:

"Zəhranın adına olan torpağı özü mənə satıb. Bu gün isə məsuliyyədən qaçmaq üçün yalan danışır. Onun bu cür açıqlama verməsi məni təəccübləndirmədi.

İkinci aldığım torpaqla bağlı qanuni şəkildə alqı-satqı olmasına dair sənəd varsa, bizə göstərsin. Başqa torpağı göstərib qamışlıq ərazisini sənədləşdirən şəxsdən mən hər şey gözləyirəm. Çünki o, artıq boğaza qədər yalan içindnə batıb. Məni aldatdığı kimi, digərlərini də aldadıb, eyni torpağı bir neçə nəfərə satıb. Anlaya bilmirəm ki, bu insan kimə güvənib belə "at oynadır"?!"

Aysel Yusifqızı

Telegramda izləyin