Coli və Pittin uşaq tərbiyəsi metodu MAT QOYUR - Xaos. avaraçılıq, içki...- FOTOLAR

Bir vaxtlar ən çox izlənilən və ideal cütlük sayılan, lakin sonradan qalmaqallı şəkildə boşanan Hollivud aktyorları Ancelina Coli və Bred Pittin övlad tərbiyəsində fikirləri bir-birindən fərqlənir.

BiG.AZ xəbər verir ki, aktyorların 6 uşağından yalnız üçün bioloji doğmadır: 16 yaşlı Şaylo və 14 yaşlı əkizlər Noks və Vivyen. 18 yaşlı Paks Vyetnamda övladlığa götürülüb. 21 yaşlı Meddoksu Coli Kambocadakı sığınacaqdan aparıb. 17 yaşlı qızları Zaxara isə Efiopiyadandır.

Cütlük arasında bir çox qalmaqallar məhz onların uşaqların tərbiyəsinə yanaşması ilə bağlı olub.

Hər şey haradan qaynaqlanır?

Belə ki, Pitt adi ailədə böyüyüb. Onun ailəsindəki düşüncəyə görə, uşaqlar müəyyən davranış qaydalarına əməl etməli, "olar" və "olmaz"ları bilməlidirlər.

"Uşaqlarımı necə tərbiyə edirəm? Mən hər gün onları döyürəm", - deyə Bred Pitt müsahibələrin birində zarafat edib. Nəzərə alsaq ki, aktyor uşaqlara şiddətdə şübhəli bilinir, bu zarafat bir az uğursuz alınıb. Əslində isə Pitt sadəcə bu məsələdə Ancelinadan daha ciddidir. Coli uşaqları özbaşına buraxmağı üstün bilir.

Məsələ burasındadır ki, aktrisa cəmi bir yaşında olarkən atası ailəni tərk edib. Qız musiqiçilər, aktyorlar, rəssamlar, bir sözlə, jerimsiz yaşayan insanlar arasında böyüyüb. Bu səbəbdən də Ancelina uşaqların tərbiyəsinə özünəməxsus yanaşır.

O, əmindir ki, ənənəvi məktəb, test və imtahanlar onun övladlarına lazım deyil. Müəllimlər uşaqların "kefinə uyğun" ulduzların evinə gələrək dərs keçirlər. Valideynlərin uşaqlardan yeganə tələbi isə heç olmasa bir xarici dili mükəmməl öyrənməkdir.

Pitt və Colinin övladları daim diqqət mərkəzində olduqları üçün evdən bayıra rahat çıxa bilmirlər və bu səbəbdən yaşıdlarıyla canlı, aktiv ünsiyyətdən məhrumdurlar. Lakin onlar daim böyüklərlə səyahət edə biliblər. Uşaqlar istədiklərini istədikləri zaman, hətta gecə saatlarında da yeyirlər. Ancelinanın şüarı budur: "Şəxsiyyətin inkişafını məhdudlaşdıra biləcək heç bir çərçivə olmamalıdır. Heç bir halda onlara səs ucaltmaq olmaz!"

Görünür, Pitt sevimli xanımı ilə daim mübahisə edib, ona uyğunlaşmaqdan yorulurdu.

Ailədə işləyən dayələrdən biri bunları danışıb:

"Evdə xaos baş alıb gedir! Uşaqlar heç bir rejimə və ya etiket normasına riayət etmirlər. Lakin burada təəccüblənəcək bir şey yoxdur, çünki aktyorların özləri də olduqca nizamsız həyat tərzi sürürlər. Onlar gecənin bir aləmində uşaqları oyadıb, film izləməyə və dondurma yeməyə gedə bilərlər".

Coli və Pittin uşaqları camaat arasında sıxılsalar da, təklikdə əməllicə əylənirlər.

Zaxara

Onlardan ən az problemli olanı Zaxaradır. Qeyd edək ki, onun ölmüş hesab olunan doğma anası bir müddət öncə peyda olsa da, uşaq uğrunda gedən qızğın mübarizə Colinin xeyrinə bitib. Zaxara ailədə ən ünsiyyətçil uşaqdır, cəmiyyət arasında gülümsəyir və Ancelinaya hər bir işdə yardım etməyə hazırdır. Bu qız həm də istedadlıdır: cizgi filmlərini səsləndirir, zinət əşyalarının dizaynı ilə məşğul olur.

Lakin Zaxaranın Şaylo ilə çox vaxt dalaşdığı barədə şayiələr gəzir. Onların valideyn diqqəti uğrunda savaşı hətta nifrətədək çata bilib.

Şaylo

Şaylo barədə eşitməyən çətin tapılar. O, gah özünü transgender hiss etdiyini deyərək, yetkinlik yaşına çatandan sonra cinsiyyətini dəyişmək fikrinə düşüb.

Lakin sonradan bu fikrindən daşınıb və hazırda özünü xanım kimi aparır.

Paks
Paks və Meddoks da bir-birilə qatı düşmənçilik edib. Paks özünə qapalı uşaqdır. O, evdən çıxmağı sevmir. Bəlkə də, bunun sayəsində ləzzətli yeməklər bişirməyi öyrənib.

Meddoks

Meddoks yeniyetməlik dövründə spirtli içkilər içib. Onun 15 yaşında atasının avtomobilində artıq şərab içdiyi barədə dayələrdən daha biri danışıb.

Deyilənə görə, Pitt ilə ayrıldıqdan sonra Coli evə alkoqollu içki gətirməyi qadağan edib. Bəzi məlumatlara görə, Maddoks valideynlərin boşanmasını hamıdan çox istəyib. Ancelina mirasının çox hissəsini məhz ona vəsiyyət edib.

Noks və Vivyen

Noks və Vivyen əkizləri uzun müddət cəmiyyət arasına əllərində uşaq yorğanları ilə çıxıblar. Qardaş bacısından öncə bu vərdişdən əl çəkib. Ancelinanın sözlərinə görə, Noks ailələrini məhz bir cümlə ilə belə təsvir edib:

"Biz anormalıq və həmişə belə olacağıq".

Telegramda izləyin