"Zəngilan aeroportunun açılışı tarixi hadisədir" - ASİM MOLLAZADƏ

Azərbaycan Silahlı Qüvvələri 2020-ci il oktyabrın 18-də Zəngilan rayonunun azad edilməsi uğrunda əməliyyata başlayıb. Oktyabrın 20-də Azərbaycan Prezidenti İlham Əliyev xalqa növbəti müraciəti zamanı Zəngilan rayonunun Havalı, Zərnəli, Məmmədbəyli, Həkəri, Şərifan, Birinci Muğanlı və Zəngilan şəhərinin işğaldan azad edildiyini elan edib. Zəngilan döyüşləri nəticəsində Azərbaycan Silahlı Qüvvələri tərəfindən Zəngilan şəhəri, rayonun 4 qəsəbəsi və 49 kəndi işğaldan azad edildi. Zəngilanın işğaldan azad olunması ilə Azərbaycan-İran sərhədi tam bərpa edilib. İşğal altında qalmış 132 kilometr sərhəd bərpa edilibdir.

"Bu gün Zəngilan Beynəlxalq Hava Limanı açılış mərasimi baş tutub. Zəngilanın azad olunmasının ikinci il dönümündə Türkiyə Respublikasının Prezidenti Rəcəb Tayyib Ərdoğan ölkəmizə rəsmi səfərə gəlib. Aeroportunun açılışı tarixi hadisədir. Qısa müddətdə ölkəmizdə "Böyük Qayıdış" layihəsi ilə bağlı Qarabağı yenidən cənnətə çevirmək üçün böyük işlər həyata keçirilir".

Bu sözləri Sonxeber.az-a Milli Məclisin deputatı Asim Mollazadə açıqlama verib.

O bildirib ki, Zəngilan aeroportu ümumiyyətlə infrakstur layihələrində daha çox nəzərə çarpır.

"Azərbaycan və Türkiyə Prezidentlərinin bu prosesdə yaxından iştirak etməsi önəm daşıyır. Bu iki ölkə çox böyük strategiya həyata keçirdi. Bu strategiya dünyanın gözünün bizdə olmasına səbəbdir. Zəngilan Hava limanı Qarabağ bölgəsində açılan ikinci hava limanıdır. Laçın aeroportu isə 2024-cü ildə istifadəyə veriləcək. Bu dünyaya böyük bir mesajdır. İki ölkə birgə strategiya həyata keçirərək dünyanı birləşdirən yeni bir sistem formalaşdırıb. Yeni ticarət sistemi, iqtisadi əlaqələri dünya üçün AZərbaycan və Türkiyə bir yerdə yaradır. Bu prosesdə biz çalışacaq ki, ölkəmizi əməkdaşlıq və sabitlik bölgəsinə çevirək".
AYSEL QULİYEVA

Telegramda izləyin