"Növbəti müharibə Ermənistan üçün ölüm olacaq" - Deputat

"Ermənistan öhdəliklərinə əməl etmir və yenə mütəmadi təxribatlara əl atır. Müzəffər ordumuz isə ermənilərin hər bir təxribatının qarşısını qətiyyətlə alır və onlar cavab atəşi ilə susdurulur".

Bu sözləri Sonxeber.az-a deputat Azər Badamov deyib.

O, ordumuzun hələlik sadəcə erməni təxribatlarını susdurmaqla kifayəylənməsinin səbəbini belə izah edib:

"Biz hələ ki, sadəcə erməni erməni təxribatlarını susdurmaqla kifayəylənirik, çünki məqsədimiz sülh müqaviləsini imzalamaq və regionda uzunmüddətli sabitliyə nail olmaqdır. Bununla yanaşı, Azərbaycan öz ordusunun peşəkarlığını artırır və baş verə biləcək hər bir hala hazırdır. Əgər ermənilər genişmiqyaslı təxribata cəhd edərlərsə, təbii ki, yenidən geniş hərbi əməliyyatlara əl atmağa məcbur olacağıq. Əgər bu dəfə də bizi buna məcbur etsələr, növbəti müharibə Ermənistan üçün ölüm olacaq. Ona görə də erməni rəhbərləri düçar olduqları ağır məğlubiyyətlərdən nəticə çıxarmalı, təxribatlara əl atmaqdan çəkinməli və konstruktiv mövqe sərgiləməlidirlər".

Aysel Yusifqızı

Telegramda izləyin