Moldova xalqı qiymət artımına görə etiraz edir

Avropada enerji qiymətlərinin qəfil artması səbəbindən etirazlar davam edir.
Sonxeber.az CNN-ə istinadən xəbər verir ki, Moldovada 7 minə yaxın insan paytaxt Kişinyovda qazın qiymətinin artmasına və inflyasiyaya etiraz etmək üçün toplaşıb. Nümayişçilər hökumət əleyhinə şüarlar səsləndirərək prezident Maya Sandu və hökuməti istefaya çağırıblar. Parlamentə doğru yürüş etmək istəyən nümayişçilərə polis müdaxilə edib.
Moldova kommunistləri də daxil olmaqla üç partiya müxalifətin təşkil etdiyi etirazlara qoşulub. Mühacirətdə olan müxalif siyasətçi İlan Şor İsraildən videokonfrans vasitəsilə əlaqə saxlayıb və etirazı dəstəkləyib. Nümayişçiləri erkən seçkilər üçün təzyiq göstərməyə çağıran Şor Moldovanın Qazpromdan qaz almaq və pul ödəmək probleminə toxunaraq, "Moldovaqaz ilə insanların həyatını asanlaşdıracaq insanlar hakimiyyətə gəlməlidir" deyib.
Qeyd edək ki Maya Sandu 2020-ci ildəki seçkilərindəki qələbəsindən sonra ən ciddi siyasi problemlə üz-üzədir.

Şəbnəm Lətifi

Telegramda izləyin