"2 il öncə Vətən müharibəsində əldə etdiyimiz zəfəri və üstünlüyümüzü bu gün diplomatik cəbhədə də davam etdiririk" - DEPUTAT

"44 günük Vətən müharibəsində biz öz hərbi gücümüzə torpaqlarımızı işğaldan azad etdik və 30 il ərzində tapdalanmış hüquqlarımız bərpa olundu".

Bunu Sonxeber.az-a açıqlamasında deputat Pərvin Kərimzadə deyib.

Deputat qeyd edib ki, sentyabrın 27-də başlayan və 10 noyabrda Ermənistanın kapitulyasiya aktını imzalanması ilə bitən Vətən müharibəsi Azərbaycan tarixinə şanlı zəfər və qürur səhifəsi kimi daxil edildi:

"Ali Baş Komandan İlham Əliyev dövlət başçısı seçildiyi gündən bu günə kim ordu quruculuğu və bütün sahələrdə apardığı islahatlar, atdığı addımlar sayəsində Azərbaycan öz hərbi gücü hesabına ərazi bütövlüyünü bərpa edib. 2 ildir ki, qürur və böyük fəxarət hissi ilə biz bu günləri torpaqlarımızın işaldan azad olunduğu günlər kimi qeyd edirik. Ali Baş Komandanın rəhbərliyi ilə Müzəffər Azərbaycan Ordusu qısa müddət ərzində düşmənin "keçilməz sədd" adlandırdığı müdafiə xəttini qıraraq onu döyüş meydanında biabırcı məğlubiyyətə uğratdı. Zamanında ayaqyalın öz doğma yurdlarını tərk etməli olan körpələrimiz tank belində öz torpaqlarına qayıdaraq qanları və canları hesabına işğala son qoydular. Bu gün bizə bu möhtəşəm zəfər hissini yaşadan Ali Baş Komandana, Müzəffər Azərbaycan Ordusuna, şəhidlərimizə və qazilərimizə təşəkkür edirəm".

Deputat təəssüf hissi ilə vurğulayıb ki, bu gün işğalçıya havadarlıq edənlər Azərbaycanın öz gücünə ərazi bütövlüyünü bərpa etməsindən narahatdırlar:

"2 il öncə Vətən müharibəsində əldə etdiyimiz zəfəri və üstünlüyümüzü bu gün diplomatik cəbhədə də davam etdiririk. 44 günlük müharibə zamanı bütün təzyiqlərə təkbaşına sinə gərən cənab Prezident bu gün də düşmənin havadarlarına layiqli yerini göstərməkdədir. Vətənpərvər gənclərimizin qanları hesabına bərpa edilən ərazi bütövlüyümüzə heç kəsin kölgə salmaq hüququ yoxdur. Bizə verdikləri məsləhəti işğalçıya versələr, daha yaxşı olar. Onsuz da biz Zəngəzur dəhlizini açacağıq. Bu istiqamətdə başlanan işlər davam etməkdədir. Ermənistan da bu istiqamətdə götürdüyü öhdəliyi icra etsə və bizim şərtlərlə hazırlanan sülh müqaviləsini imzalasa, dövlət kimi varlığını qorumuş olar. Çünki hər bir cəbhədə qalib gələn və diktə edən tərəf Azərbaycandır. Əvəl-axır Ermənistan və havadarları Azərbaycanın və cənab Prezidentin diktəsi ilə barışmalı olacaq".

Aysel Yusifqızı

Telegramda izləyin